ماشومان ولې په موټرو پسې ځغلي

ډیرې کورنۍ ماشومانوته تل دا وایي چې د مشرانوخبرې منئ ، کله یې چې د کوم کارد سرته رسولودرته ویل نو مرسته ورسره کوئ ، خو دې ته یې پام نه وي چې ځینې کسان په ماشوم داسې کار کوي چې د ټول عمرلپاره یې د ستونزوکندې ته وراچوي .

ځینې کسان بیا په دې باوردي چې ماشومان د بیوزلۍ له وجې د پیسو په بدل کې هغه څه له یوه ځایه بل ځای ته وړي چې د دولت لخوا بندیزپرې لږیدلي وي،د پکتیااوسیدونکی نجیب وایي بیا نو هماغه وي چې د لږګټې په بدل کې د ماشوم ټول ژوندله ستونزوسره مخ کیږي .



ډیرې کورنۍ ماشوم ته د موټر کرایه نه ورکوي ، موټرچلونکې هم هغوی له یوه ځایه بل ځای ته نه بیایي ، ځینې وخت مجبوره وي چې موټر پسې ځان ونښلوي ، خو ډیري وخت بیا له شوخۍ نه هم دا کار کوي .

لیکونکې: فرشته مرسل