"د پوځي عملیاتو مشري اوس د افغان ځواکونو په غاړه ده"

د افغانستان د دفاع وزارت وایي، چې افغان امنیتي ځواکونه دا مهال په ټول هېواد کې د پوځي عملیاتو مشري په غاړه لري.

دا په داسې حال کې ده، چې تیره ورځ د ناټو عمومي منشي اندرس فوګ راسموسن په بروکسل کې خبریالانو ته وویل، چې افغان امنیتي ځواکونه باید د ۲۰۱۳ میلادي کال تر نیمایي پورې به بشپړه توګه د پوځي عملیاتو مشري په غاړه واخلي.

زموږ همکار اسدالله لودین په کابل کې د دفاع وزارت د اوپراسیون له ریس افضل امان سره مرکه کړې او په سر کې ترې پوښتلي چې ایا افغان امنیتي ځواکونه به د دې وړتیا ولري، چې د ۲۰۱۳ کال په نیمایي کې په ټول هېواد کې د پوځي عملیاتو مشري په غاړه واخلي؟