ستانکزی: سعودي عربستان په افغانستان کې د سولې خبرو ته لېواله نه دی

سعودي عربستان د افغان دولت او وسله والو طالبانو تر منځ د منځګړیتوب لپاره دا شرط ایښی، چې وسله وال طالبان باید له القاعدې ډلې سره خپلې اړیکې وشلوي او د القاعدې مشر "اوسامه بن لادن" دې وشړي، کنه دوی به د سولې په دغه بهیر کې ځان ښکېل نه کړي.

په کابل پوهنتون کې د حقوقو او سیاسي علومو پوهنځي استاد نصراله ستانکزي له ازادي راډیو سره په یوې ځانګړې مرکه کې وویل، چې سعودی عربستان دې ته اندېښمن دی که چېرې د القاعدې ډلې فعالیت په افغانستان او پاکستان کې کم شي، نو کیدای شي دوی خلیجي هېوادو ته مخه کړي.