انډي پنډنټ:
د انګلستان چاپ انډي پنډنټ ورځپاڼې د 2010 کال په لومړۍ ګڼه کې، په خوست کې د امریکايي استخباراتي مامورنیو د وژنې د پېښې په اړه یو مطلب خپور کړی، چې سرلیک یې دی، په افغانستان کې د اعتماد لپاره یوه بله ضربه او لیکي، د خوست په یوه پټه او لیرې پرته پوځي اډه کې په یوه ځان وژونکي برید کې د امریکا د استخباراتو د مرکزي ادارې CIA د ۷ مامورینو مړینه له یوې خوا په افغانستان کې د امریکا په پراخېدونکې جګړه کې د یوې استخباراتي ادارې د رول او له بلې خوا د انسانانو په طبیعت کې د خیانت څرګندونه کوي.
ورځپاڼه زیاتوي، که امریکا او متحدان یې په هغه ګوریلایي جګړه کې، چې انعطاف او سنتي تکتیکونه یې خصوصیات دي، بریاليتوب غواړي نو په دې برخه کې د CIA پوهه او تجربه ډېر او ځانګړی اهمیت لري. خو له هرې خوا، چې ورته وګورئ، د خوست پېښه، په هغه هېواد کې چې بریتانویان، شورویان او نور متجاوزین په کې ناکام شوي دي، د ناټو د هڅو لپاره یوه ناکامي ده.
ټایمز، د لندن چاپ بلې ورځپاڼې بیا د کونړ ولایت په نرنګ ولسوالۍ کې د ښوونځي د زده کوونکو د وژنې د پېښې په اړه یو مطلب خپور کړی، چې په یوه برخه کې یې راغلي دي، د ولسمشرحامدکرزي په مشرۍ د ملي امنیت شورا له امریکاییانو څخه د هغوسرتېرو د سپارلو غوښتنه کړې، چې د افغان حکومت او ملګروملتونو د څېړنو له مخې په نرنګ ولسوالۍ کې په پوځي عملیاتو کې یې دا زده کوونکي وژلي دي. دا د ملکي وګړو پر وژنه د نیوکې لپاره د افغانستان د حکومت لومړنی له غوسې ډک عکس العمل دی.
امریکايي چارواکي ټینګار کوي، چې د دوی پرسرتېرو برید شوی او وژل شوي ځوانان هغه کسان دي، چې په دې ځای کې يې بمونه جوړول. ټایمز وړاندې لیکي، د افغان چارواکو داغوښتنه د افغان حکومت او د هغه د ځواکمن نړېوال مرستندوی ترمنځ د لفظي جګړې څرګندونه کوي او دا لومړی ځل دی، چې ښاغلی کرزی بهرني ځواکونه مستقیماً د ملکي وګړو په وژنه کې دخیل او مسوول ګڼي.
د ټایمز ورځپاڼې په وینا، دا پېښه همدا راز د هغه حکومت دغوښتنو او ادعاوو انعکاس هم دی، چې د ناټو د غړو هېوادو له خوا په انتخاباتو کې د درغلۍ او اداري فساد له امله نیوکو سره مخامخ شوی دی او اوس غواړي له نوېو شرایطو سره سم نوی دریځ غوره کړي.
د انګلستان چاپ انډي پنډنټ ورځپاڼې د 2010 کال په لومړۍ ګڼه کې، په خوست کې د امریکايي استخباراتي مامورنیو د وژنې د پېښې په اړه یو مطلب خپور کړی، چې سرلیک یې دی، په افغانستان کې د اعتماد لپاره یوه بله ضربه او لیکي، د خوست په یوه پټه او لیرې پرته پوځي اډه کې په یوه ځان وژونکي برید کې د امریکا د استخباراتو د مرکزي ادارې CIA د ۷ مامورینو مړینه له یوې خوا په افغانستان کې د امریکا په پراخېدونکې جګړه کې د یوې استخباراتي ادارې د رول او له بلې خوا د انسانانو په طبیعت کې د خیانت څرګندونه کوي.
ورځپاڼه زیاتوي، که امریکا او متحدان یې په هغه ګوریلایي جګړه کې، چې انعطاف او سنتي تکتیکونه یې خصوصیات دي، بریاليتوب غواړي نو په دې برخه کې د CIA پوهه او تجربه ډېر او ځانګړی اهمیت لري. خو له هرې خوا، چې ورته وګورئ، د خوست پېښه، په هغه هېواد کې چې بریتانویان، شورویان او نور متجاوزین په کې ناکام شوي دي، د ناټو د هڅو لپاره یوه ناکامي ده.
ټایمز، د لندن چاپ بلې ورځپاڼې بیا د کونړ ولایت په نرنګ ولسوالۍ کې د ښوونځي د زده کوونکو د وژنې د پېښې په اړه یو مطلب خپور کړی، چې په یوه برخه کې یې راغلي دي، د ولسمشرحامدکرزي په مشرۍ د ملي امنیت شورا له امریکاییانو څخه د هغوسرتېرو د سپارلو غوښتنه کړې، چې د افغان حکومت او ملګروملتونو د څېړنو له مخې په نرنګ ولسوالۍ کې په پوځي عملیاتو کې یې دا زده کوونکي وژلي دي. دا د ملکي وګړو پر وژنه د نیوکې لپاره د افغانستان د حکومت لومړنی له غوسې ډک عکس العمل دی.
امریکايي چارواکي ټینګار کوي، چې د دوی پرسرتېرو برید شوی او وژل شوي ځوانان هغه کسان دي، چې په دې ځای کې يې بمونه جوړول. ټایمز وړاندې لیکي، د افغان چارواکو داغوښتنه د افغان حکومت او د هغه د ځواکمن نړېوال مرستندوی ترمنځ د لفظي جګړې څرګندونه کوي او دا لومړی ځل دی، چې ښاغلی کرزی بهرني ځواکونه مستقیماً د ملکي وګړو په وژنه کې دخیل او مسوول ګڼي.
د ټایمز ورځپاڼې په وینا، دا پېښه همدا راز د هغه حکومت دغوښتنو او ادعاوو انعکاس هم دی، چې د ناټو د غړو هېوادو له خوا په انتخاباتو کې د درغلۍ او اداري فساد له امله نیوکو سره مخامخ شوی دی او اوس غواړي له نوېو شرایطو سره سم نوی دریځ غوره کړي.