د افغانستان او فرانسې ترمینځ د دوه اړخیزو ستراتیژیکو همکاریو تړون یوه اونۍ وروسته له هغه لاسلیک کېږي، چې څلور فرانسوي پوځیان د کاپیسا ولایت په تګاب ولسوالۍ کې د یوه افغان سرتېري په ډزو ووژل شول او د فرانسې ولسمشر نیکولا سارکوزي له دې پېښې وروسته د افغان او فرانسوي ځواکونو ګډ پوځي عملیات وځنډول.
واشنګټن پوسټ ورځپاڼه د افغان او فرانسوي مقاماتو په حواله لیکي، چې د دې تړون له مخې به فرانسه د افغان امنيتي ځواکونو د روزنې پروګرام ته له ۲۰۱۴ کال وروسته، چې په افغانستان کې د نړیوالو ځواکونو پوځي عملیات ختمېږي، هم دوام ورکړي.
افغان چارواکو له ډېرې مودې راهیسې د نړیوالو ټولنې د همکارۍ له کمښت څخه شکایت کاوه او ویل یې، چې له ۲۰۱۴ کال وروسته ښايي د تېرو لسو کلونو لاس ته راوړنې له خطر سره مخامخ شي.
ولسمشر حامد کرزي اروپا ته د خپل سفر په ترڅ کې چې د چارشنبې په ورځ پیل شو له ایټالیا سره د دوه اړخیزو ستراتیژیکو همکاریو ورته سند لاسلیک کړی او په پام کې ده پر فرانسې سربېره یې له برتانیا سره هم لاسلیک کړي.
خو له متحدوایالاتو سره د ستراتیژیکو همکاریو د داسې یوه سند لاسلیک له یوکال خبرواترو وروسته لاهم ځنډېدلی دی.
د ولسمشرحامدکرزي ویاند اېمل فیضي آزادۍ راډیو ته وویل، چې له امریکا سره د داسې یو سند لاسلیک د لویې جرګې د استازو د مشورو له وجې ځنډېدلی:
″هغه سند چې له فرانسې سره لاسلیکېږي، یو تړون دی، خو هغه سند چې په پام کې ده له امریکا سره لاسلیک شي، تړون نه بلکې د اوږد مهالو ستراتیژیکو همکاریو سند دی.
خو په دې برخه کې یوه ستونزه د دې سند محتوا ده، چې حکومت ته د دودیزې لویې جرګې د مشورو له مخې نړیوال ځواکونه باید د شپې عملیات بند کړي او همداراز د زندانونو مسوولیت د افغانستان دولت ته وسپاري؛ چې له بده مرغه دا کار تراوسه نه دی شوی.″
د لویې جرګې د پرېکړو په رڼا کې ولسمشر حامدکرزي هم ویلي، چې د نړیوالو ځواکونو له خوا د شپې د عملیاتو د بندولو او افغانستان ته د ټولو زندانونو د سپارلو تروخته به له متحدوایالاتو سره د اوږدمهالو ستراتيژیکو همکاریو تړون لاسلیک نه شي.
په پام کې ده، چې ښاغلی کرزی د اروپا د سفر په دوام برتانیا ته ولاړ شي او له هغه هېواد سره د ستراتیژیکو همکاریو موافقه هم لاسلیک کړي.
د افغان او برتانوي چارواکو په وینا له برتانیا سره د موافقې له مخې به د دواړو هېوادونو ترمینځ ستراتیژیکې همکارۍ تر ۲۰۲۲ کاله پورې دوام وکړي.
په دې همکاریو کې د برتانوي پوځیانو له خوا د افغان ځواکونو روزنه، د افغانستان د اقتصادي پرمختګ لپاره د برتانیا مرستې او دوه اړخیزې کلتوري همکارۍ شاملې دي.
واشنګټن پوسټ ورځپاڼه د افغان او فرانسوي مقاماتو په حواله لیکي، چې د دې تړون له مخې به فرانسه د افغان امنيتي ځواکونو د روزنې پروګرام ته له ۲۰۱۴ کال وروسته، چې په افغانستان کې د نړیوالو ځواکونو پوځي عملیات ختمېږي، هم دوام ورکړي.
افغان چارواکو له ډېرې مودې راهیسې د نړیوالو ټولنې د همکارۍ له کمښت څخه شکایت کاوه او ویل یې، چې له ۲۰۱۴ کال وروسته ښايي د تېرو لسو کلونو لاس ته راوړنې له خطر سره مخامخ شي.
ولسمشر حامد کرزي اروپا ته د خپل سفر په ترڅ کې چې د چارشنبې په ورځ پیل شو له ایټالیا سره د دوه اړخیزو ستراتیژیکو همکاریو ورته سند لاسلیک کړی او په پام کې ده پر فرانسې سربېره یې له برتانیا سره هم لاسلیک کړي.
خو له متحدوایالاتو سره د ستراتیژیکو همکاریو د داسې یوه سند لاسلیک له یوکال خبرواترو وروسته لاهم ځنډېدلی دی.
د ولسمشرحامدکرزي ویاند اېمل فیضي آزادۍ راډیو ته وویل، چې له امریکا سره د داسې یو سند لاسلیک د لویې جرګې د استازو د مشورو له وجې ځنډېدلی:
″هغه سند چې له فرانسې سره لاسلیکېږي، یو تړون دی، خو هغه سند چې په پام کې ده له امریکا سره لاسلیک شي، تړون نه بلکې د اوږد مهالو ستراتیژیکو همکاریو سند دی.
خو په دې برخه کې یوه ستونزه د دې سند محتوا ده، چې حکومت ته د دودیزې لویې جرګې د مشورو له مخې نړیوال ځواکونه باید د شپې عملیات بند کړي او همداراز د زندانونو مسوولیت د افغانستان دولت ته وسپاري؛ چې له بده مرغه دا کار تراوسه نه دی شوی.″
د لویې جرګې د پرېکړو په رڼا کې ولسمشر حامدکرزي هم ویلي، چې د نړیوالو ځواکونو له خوا د شپې د عملیاتو د بندولو او افغانستان ته د ټولو زندانونو د سپارلو تروخته به له متحدوایالاتو سره د اوږدمهالو ستراتيژیکو همکاریو تړون لاسلیک نه شي.
په پام کې ده، چې ښاغلی کرزی د اروپا د سفر په دوام برتانیا ته ولاړ شي او له هغه هېواد سره د ستراتیژیکو همکاریو موافقه هم لاسلیک کړي.
د افغان او برتانوي چارواکو په وینا له برتانیا سره د موافقې له مخې به د دواړو هېوادونو ترمینځ ستراتیژیکې همکارۍ تر ۲۰۲۲ کاله پورې دوام وکړي.
په دې همکاریو کې د برتانوي پوځیانو له خوا د افغان ځواکونو روزنه، د افغانستان د اقتصادي پرمختګ لپاره د برتانیا مرستې او دوه اړخیزې کلتوري همکارۍ شاملې دي.