ایران وايی د امریکا د بریدونو په ځواب کې یې بحرین ، کویت او اردن کې امریکايی اډو باندې بریدونه کړي دي. په ایران د امریکا د تیرې شپې بریدونو کې لسګونه اهداف په نښه شوي دي.
افغانستان کې د طالبانو حکومت وايي په کونړ ، خوست او پکتیکا د پاکستان په نویو بریدونو کې یوولس کوچنیان، یوه ښځه او یو نارینه وژل شوي او ۱۴ نور ټپیان شوي دي. د پاکستان حکومت تر اوسه په دې هکله څه نه دي ویلي.
اسراییل سه شنبه پر لبنان بریدونه وکړل. د یکشنبې په ورځ چې کله اسراییلي ځواکونو پر لبنان حملې وکړې په ځواب کې یې ایران پر اسراییل توغندي وویشتل او د اپریل له نیمایي راهیسې پیل شوی اوربند یې مات کړ، خو په دې ترڅ کې د امریکا ولسمشر ویلي دي چې په څو ورځو کې به روغه جوړه وشي.
د افغانستان په ښارونو کې سلمانان تر ډېره یوازې ویښته جوړوي خو په کلیو او بانډو کې بیا ګڼ نور خدمتونه هم ترسره کوي، چې د خلکو د غمونو او ښادۍ پروګرامونه پرې راټول وي. دوی د خوښیو پروګرامونو ته خلک راخبروي، پخلی کوي، ناویانو ته ډولۍ جوړوي او دغه شان پخوا یې د ټنګ، ټکور پروګرامونه هم کول.
د طالبانو حکومت د پېښو پر وړاندې د چمتووالي ادارې اعلان کړی چې په تېرو تقریبا دوه نیمو میاشتو کې د افغانستان په بیلابیلو ولایتونو کې د طبیعي پېښو له امله نژدې اوه سوه کسان مړه او ژوبل شوي دي، له ۱۸ زره ډېرې کورنۍ زیانمنې شوي او نږدې ۱۰ زره کورونه په بشپړ او نیمه ډول ویجاړ شوي دي.
افغانستان کې د ملګروملتونو دمرستندوی ماموریت، یوناما، سرپرستې جورجیت ګانیون امنیت شورا ته خپله وینا کې یوځل بیا یې له طالبانو وغوښتل چې په نجونو او ښځو لګول شوي محدودیتونه لیرې کړي. بلخوا فعالانې وايي د طالبانو له حکومت سره له داسې تعامل څخه باید ډډه وشي چې د دوی ځپونکې پالیسي عادي کوي.
یو شمېر افغانان وایي، راتلونکو نسلونو ته د خپل تاریخي او کلتوري میراث د انتقال لپاره خپلو کورونو کې ګڼ پخواني اسناد او عکسونه ساتلي دي. دوی وایي که څه هم کډوالۍ، طبیعي پېښو او د مناسبو سرپناوو نه لرلو ترې ځینې مهم اسناد ضایع کړي خو بیا هم دا اقدام د خپل تاریخي هویت د خوندي کولو لپاره یوه څه بولي.
د هرات یو شمېر اوسېدونکي وايي د طالبانو له لوري په وروستیو کې د هرات ښار په بیلابیلو سیمو کې د ښځو او نجونو د نیولو د پېښو له زیاتېدو وروسته په بازارونو او عامه ځایونو کې د ښځو حضور کم شوی دی. ځینې ښځې وايي چې په دې ښار کې د ښځو د نیولو لړۍ لا روانه ده.
ټاکل شوې د ملګرو ملتونو امنیت شورا نن د افغانستان په اړه ځانګړې غونډه وکړي. په دې ناسته کې به په افغانستان کې د ملګرو ملتونو د سیاسي استازولۍ« یوناما» سرپرسته جورجیت ګانیون د افغانستان په اړه امنیت شورا ته راپور وړاندې کړي. دا ناسته د کابل په وخت نن مازدیګر ناوخته ۶ نیمې بجې پیلیږي.
نور راوښيه
