د اروپايي اتحادیې د احصاییې اداره وايي چې له ۲۰۱۳ څخه تر ۲۰۲۴ پورې د دې اتحادیې له غړیو هیوادونو یو میلیون افغانانو د پناه غوښتنه کړې ده.
نن د جون ۱۲ د ماشومانو د کار په وړاندې د مبارزې نړیواله ورځ ده. په افغانستان کې لا هم په میلینونه ماشومان کار کوي، چې شاقه یا درانه کارونه هم په کې شامل دي. په دوی کې ځینې وايي، دا کار د بې وزلۍ له امله کوي او ان زده کړې یې هم ورته پرېښې دي. فعالان او ډاکټران یې بیا د بدو پایلو خبره کوي.
د افغانستان او متحدو ایالاتو سوداګرو په کابل کې وروستۍغونډه کې داقتصادي او سوداګریزو همکاریو پر پراختیا خبرې کړي خو کارپوهان وايي افغانستان کې د امریکا لویې پانګونې مناسب سیاسي بستر ته اړتیا لري.
وزګارتیا او ورسره روحي او ذهني فشارونه، دا د هغو ګڼ شمېر کسانو ستونزې دي چې پر افغانستان د طالبانو له بیا واکمنېدو وروسته له دندو ګوښه شوي. دوی چې دا مهال له ګڼو اقتصادي او کورنیو ستونزو سره مخامخ دي ازادي راډیو ته وویل، د طالبانو د حکومت یوشمېر محدودونکو تګلارو، دوی له کاره محروم کړي.
د جون یولسمه د لوبو نړیواله ورځ ده. یو شمیر افغان ماشومان وايي، بېلابیلې لوبې کوي. خو ځیني کورنۍ بیا وايي، افغانستان کې ماشومان نن، سبا ډېر په کمپيوټري لوبو بوخت دي.
د افغانستان لپاره د ملګروملتونو مرستندویه ماموریت یوناما وایي، د افغانستان په خوست، کونړ او پکتیکا ولایتونو د وروستیو بمباریو د قربانیانو ډیری یې ښځې او ماشومان دي. یوناما ویلي، دغه پیښه چې ۱۳ ملکي وګړي په کې وژل شوي او لس نور ټپیان شوي دي، دوی مستنده کړې.
په داسي حال کې چې د افغانستان پر درو ولایتونو د پاکستان د هوايي بریدونو له کبله د دوو هیوادونو ترمنځ ترینګلتیا یو وار بیا زیاته شوې، پاکستاني رسنیو پرون راپور ورکړ چې د طالبانو حکومت په افغانستان کې بندو پاتې پاکستانی لاریو ته اجازه ورکړې چې پاکستان ته لاړې شي.
په افغانستان کې د طالبانو حکومت وايي تېره شپه په کونړ، خوست او پکتیکا ولایتونو دپاکستان تازه بریدونو کې ۱۳ تنه وژل شوي او ۱۴ نور ټپیان شوي دي. خو پاکستان وايي د ترهګرو څلور مرکزونه په نښه شوي او ۲۶ کسان یې وژلي. د پېښې قربانیان او عیني شاهدان وايي په دې حملو کې زیانمن شوي ټول کسان ولسي وګړي دي.
په کار پسې سرګردانه یوشمېر ځوانان د هکرانو یا انټرنیټي غلو لاس ته لوېږي. دا خبره د پلازمینې کابل او ولایتونو یو شمیر اوسېدونکو ازادي راډیو ته وکړه او وې ویل چې یوشمېر ویب پاڼو ته یې د کارموندنې په موخه غوښتنلیکونه لېږلي، خو له اوږده انتظار سره سره هم، دوی هیڅ ډول کتبي یا تیلفوني ځواب نه ترلاسه کوي.
افغانستان کې د طالبانو حکومت ادعا کوي چې په کونړ ، خوست او پکتیکا د پاکستان په نویو بریدونو کې یوولس کوچنیان، یوه ښځه او یو نارینه وژل شوي او ۱۴ نور ټپیان شوي دي. د پاکستان حکومت ادعا کوي چې لسګونه وسله وال یې وژلي دي.
نور راوښيه
