ټاکل شوې ده چې د سرېلانکا په کوربهتوب د افغانستان او سرېلانکا د درو یو ورځنیو سیالیو لړۍ نن پیل شي.
د افغانستان د کرېکټ بورډ د پخواني اجرايي رئیس شفیق ستانکزي په باور دا سیالۍ له دې کبله مهمې دي چې نړیوال ۵۰ اوره جام ته د افغان لوبډلې په غوراوي کې رول لري.
درې واړه سیالۍ به د سرېلانکا په پالیکیل لوبغالي کې وشي.
افغان کرېکټ ملي لوبډله مخکې سرېلانکا ته رسېدلې ده او د کرېکټ بورډ مسؤلينو ويلي چې لوبغاړو يادې سيالۍ ته پوره چمتووالی نيولی دی.