د لاسرسي لېنکونه

په کابل کې د اروپايې ټولنې سفیر وایي، د معافیت فرهنګ د پای ته رسولو لپاره باید په فساد کې ښکېل حکومتي چارواکي مجازات شي.

فرانز مایکل مېلېبن له ازادي راډيو سره په ځانګړي مرکې کې وویل، په فساد کې د ښکېلو کسانو د مجازاتو ترڅنګ باید د فساد په وړاندې د مبارزې کارونه همغږي شي.

"زما په باور افغانستان کې له فساد سره مبارزه کې دوه عمده نیمګړتیاوې موجودې دي، یوه له مجازاتو څخه د تېښتې فرهنګ چې هېواد کې حاکم دی او دویم له اداري فساد سره د مبارزې برخه کې ټول کارونه باید همغږي اوسي."

ښاغلي مېلېبن تردې وړاندې هم ویلي چې د معافیت فرهنګ له‌منځه وړل فساد ته د پای ټکی کېښودل دي او باید افغان دولت قضايي ارګانونو کې په فساد ککړ کسان له دندو لېرې او پرځای يې وړ او مسلکي کسان په دندو وګماري.

XS
SM
MD
LG