د امریکا د سنا جرګې غړو سناتور جان مککېن او سناتور لېنډسي ګراهام په افغانستان کې د ولاړ حالت د پای ته رسولو لپاره دغه هېواد ته د نورو پوځیانو د لېږلو غوښتنه وکړه.
دواړو سناتورانو په یوه لیکنه کې چې واشنګټن پوسټ ورځپاڼه کې خپره شوې، ویلي چې د امریکا د پالېسۍ محدودیت او د جګړې میدان کې د پوځیانو د شمېر کموالی د افغانستان جګړه کې د امریکايي پوځیانو لاسونه تړلي دي.
خو دا په داسې حال کې ده چې امریکا لا هم په دغه هېواد کې د القاعده په شان له ترورېستي ډلو سره په جنګ کې دی.
مککېن او ګراهام د مثال په توګه ویلي چې تېر کال دوبي کې امریکايي پوځیان پر طالبانو له حملې کولو منع شول، خو اجازه ورکړای شوه چې عراق او سوریه کې د داعش یا اسلامي دولت پر وسلهوالو سختدریځو بریدونه وکړي.
دوی استدلال کوي چې د طالبانو پر ضد نهاقدام سبب کېږي چې دا ډله بېرته ځان جوړ کړي او وراوښتي ګوزارونه بېرته جبران کړي په تېره بیا چې د ایران او روسیې په شان هېوادونو څخه مرسته ترلاسه کړي.
دوی دغهراز ویلي چې د طالبانو پر ضد نهاقدام کول د دې سبب شوی چې ولاړ حالت رامنځته شي او دا هغه څه دي چې افغانستان کې د امریکايي او ناټو پوځیانو قوماندان جنرال جان نېکلسنیې تېره میاشت د سنا جرګې د وسلهوالو خدماتو کمېټې ته په خپلو څرګندونو کې یادونه وکړه.
ده وویل چې د افغانستان حکومت د هېواد یوازې په سلو کې پر ۵۷ سلنه خاوره کنټرول لري حال دا چې تېر کالیې په سلو کې ۷۵ په لاس کې وه.