د ملګرو ملتونو امنیت شورا د حزب اسلامي پر مشر ګلبدین حکمتیار ټول وضع شوي تحریمونه ليرې کړل.
دغې شورا په يوه اعلاميه کې ويلي، چې دغه بنديزونه د جمعې ورځې په غونډه کې ليرې کړاى شول.
د سولې عالي شورا دا د سولې په مسئله کې مهم پرمختګ بللى دى.
صالح محمد صالح په هالنډ کې مېشت له ليکوال او سياسي تحليلګر زکريا پوپل سره مرکه کړې او په پيل کې يې پوښتلى: د بنديزونو ليرې کېدل څومره د سولې او پخلاينې له پروسې سره مرسته کوي؟
