د افغانستان د سولې عالي شورا رییس او د ملي محاذ د ګوند رهبر پیر سیداحمد ګیلاني نن ماښام وفات شو.
د سولې عالي شورا مرستیال مولوي عبدالخبیر اوچقون ازادي راډیو سره په خبرو کې تایید کړه چې پیرسیداحمدګیلاني د شنبې په ماښام په اوو بجو او ۴۵ دقیقو د ورپېښې ناروغۍ له امله ساه ورکړه.
ښاغلي اوچقون د پیرګیلاني مړینه د سولې شورا او ټولو افغانانو لپاره لویه ضایعه وبلله او ویې ویل چې تر ډېره به یې ځای تش پاتې وي.