په زابل ولایت کې د ملي تلویزون یو خبریال یعقوب شرافت د یکشنبې په ماښام د نامعلومو وسله والو په حمله کې ووژل شو.
د زابل د والي ویاند ګل اسلام سیال ازادي راډیو ته وویل چې وسله والو پر خبریال یعقوب شرافت د مرکز کلات اړوند په "رساله" سیمه کي وسله واله حمله کړې چې نوموړی لومړی ټپي او روغتون ته تر انتقال وروسته یې ساه ورکړې.
د سیال په وینا حمله کوونکي له سیمې تښتېدلی او پولیس يې د نیولو په هڅه کې دي.
تر اوسه د دې حملې مسؤلیت چا نه دی منلی.
د افغانستان د ژورنالېستانو د ملاتړمختلفو ټولنو دغه پېښه غندلې او د عاملینو د نیول کېدو غوښتنه يې کړې.
د افغانستان د نورو ولایتونو ترڅنګ په جنوبي ولایتونو کې په تېرو څو کلونو کې زیات شمېر خبریالان وژل شوي او یا هم د تاوتریخوالي د نورو پېښو سره مخ شوي.
Embed
شریکول
Embed
شریکول
The code has been copied to your clipboard.
The URL has been copied to your clipboard
No media source currently available
مستقیم لېنک