د لاسرسي لېنکونه

د راپورونو له مخې د بریتانیا صدراعظمې تیریزا مې سنډي ټیلګراف ورځپاڼې ته ویلي چې هېواد یې په جرمني کې د راتلونکي کال تر انتخاباتو پورې انتظار نشي ایستلی چې د اروپایي ټولنې د لیزبن د تړون پنځوسمه ماده تطبیق کړي.

د دغې مادې په فعالولو سره له اروپایي ټولنې د بریتانیا د وتلو رسمي پروسه پیلېږي.

مې دا ژمنه له هغې وینا مخکې وکړه چې ټاکل شوې نوموړې یې نن خپل واکمن محافظه کارګوند ته وکړي.

د غه راز د هغې د ګوند همکارانو او یو شمېر د اروپایي ټولنې مشرانو هم ورڅخه غوښتنه کړې چې دا مسئله تایید کړي چې کله پلان لري چې له اروپایي ټولنې د بریتانیا د وتلو د پروسې چې د جون د میاشتې په ټولپوښتنه یا ریفراندم کې یې ملاتړ شوی، د پیلولو لپاره دغه ماده عملي کوي.

د بریتانیا صدرا عظمې دغې ورځپاڼې ته ویلې چې دا به د ۱۹۷۲ د اروپایي ټولنې قانون چې بریتانیا پکې داخله شوې او وروسته په اروپایي اتحادیې بدله شوه، لغوه کړي.

هغې وویل، د ملکې په راتلونکې وینا کې به موږ دغه قانون لغوه اعلان کړو او هغه به له ثبت شویو قوانینو لرې کړو.

مې وویل، دا یوځل بیا د یوې خپلواکې او ملي حاکمیت لرونکې بریتانیا لپاره لومړنی ګام دی.

د لیزبن د تړون د پنځوسمې مادې د تطبیق لپاره دوه کاله وخت ټاکل شوی چې په دې موده کې باید یو هېواد د اروپایي ټولنې له غړیتوبه د وتلو پروسه بشپړه کړي.

XS
SM
MD
LG