د لاسرسي لېنکونه

روسیې د سوریې د بشري حقونو د څار د ډلې هغه ادعاوې رد کړي چې وايي د دوی په هوايي بریدونو کې په تېر کال کې لس زره کسان په سوریه کې وژل شوي دي.

د کرملین ویاند ډیمیټري پیسکوف د جمعې په ورځ وویل، موږ د هغه څه په اړه چې په سوریه کې روان دي، د یو داسې سازمان چې مرکز یې په بریتانیا کې دی، معلومات کره نه ګڼو.

د سوریې د بشري حقونو د څار لندن مېشتې ډلې اټکل کړی چې په سوریه کې په تېر یو کال کې د روسیې په هوايي بریدونو کې ۹۳۶۴ کسان وژل شوي، په دې دوی کې ۳۸۰۴ ملکي وګړي او ۹۰۶ تنه ماشومان دي.

دا سازمان وايي، د روسیې په بریدونو کې همدارنګه د داعش ۲۷۴۶ وسله وال او د نورو یاغي ډلو ۲۸۱۴ کسان وژل شوي دي.

تېر کال د سپټمبر په دېرشمه نېټه روسیې د سوریې د ځواکونو د ملاتړ لپاره په دې هېواد کې هوايي بریدونه پیل کړل.

XS
SM
MD
LG