د ګلبدین حکمتیار په مشرۍ د اسلامي حزب او د افغانستان د سولې عالي شورا تر منځ د سولې تړون لاسلیک شو.
د دغه هوکړهليک لومړۍ بڼه چې په درېيو څپرکو او ٢٥ مادو کې چمتو شوې، د سولې عالي شورا مشر پير سيد احمد ګېلاني، د حزب اسلامي د مرکچي پلاوي مشر انجنير محمد امين کريم، د ملي امنيت سلاکار محمد حنيف اتمر او د سولې عالي شورا د پلاوي مشر مولوي عطاالرحمن سليم لاسليک کړه.
دغه سند کابل کې د سولې عالي شورا په دفتر کې لاسليک شو.
ټاکل شوې چې ولسمشر محمد اشرف غني او د حزب اسلامي مشر ګلبدين حکمتيار وروسته دغه هوکړهلیک لاسليک کړي.
له نېږدې شپږ میاشتو راپه دېخوا د اسلامي حزب د پلاوي او افغان حکومت تر منځ خبرې روانې وې.
دواړو لورو منلې ده چې د ګلبدین حکمتیار او د هغه د ډلې د یو شمېر نورو کسانو نومونه به د ملګرو ملتونو له تور لېسته لیرې کېږي، بندیان به خوشې کېږي او د اسلامي حزب غړي به له جګړو لاس اخلي.