د لاسرسي لېنکونه

د افغانستان جمهوري ریاست یو ځلي بیا له فساد سره په کلکې مبارزې ټينګار کوي.

د جمهوري ریاست د ویاند مرستیال دواخان مینه‎پال نن له ازادي راډيو سره په خبرو کې ډاډ ورکړ چې ډېر ژر به له فساد سره د مبارزې په برخه کې کوټلې ګامونه واخیستل شي.

ښاغلی مینه‎پال دا خبرې په داسې حال کې کوي چې د افغانستان د بیارغونې لپاره د امریکا پلټونکې ادارې یا سیګار په خپل نوي راپور کې ویلي چې د امریکا میلیارډونو ډالرو مرستې په دې هېواد کې د فساد له پراخوالي سره مرسته کړې ده.

د افغانستان د بیارغونې لپاره د امریکا پلټونکې اداره یا سیګار دغه څېړنیز راپور په داسې حال کې خپروي چې د شفافیت نړیوال سازمان په خپل وروستي راپور کې افغانستان د نړۍ د ۱۶۶ هېوادونو په کتار کې له اخره درېیم په فساد کې ککړ هېواد یاد کړی دی.

یوازې سومالیا او شمالي کوریا ورڅخه په فساد کې مخکې دي.

XS
SM
MD
LG