د پاکستان لپاره د افغانستان سفير او د افغان ولسمشر ځانګړى استازى ډاکټر عمر زاخېلوال پرون کوټې ښار ته تللى او هلته يې په وروستۍ ځانوژونکې حمله کې د وژل شويو مدافع وکيلانو له کورنيو سره غمشريکي کړې او له چارواکيو سره يې ليدلي دي.
زاخېلوال د ځينو پاکستاني چارواکيو هغه تور بې اساسه بللى او په کلکه يې رد کړى چې وايي؛ افغان استخبارات په بلوچستان کې د ترهګرۍ په پېښو کې لاس لري.
ښاغلي زاخېلوال ويلي چې د افغانستان او پاکستان درد شريک دى، نو بايد له ترهګرۍ څخه د خلاسون لپاره هم بايد صادقانه هڅې وکړي.
له افغان سفير ډاکټر عمر زاخېلوال سره په کوټه کې د ازادي راډيو خبريال بارکوال مياخېل مرکه کړې ده: