د هلمند والي حیات الله حیات وايي، لښکرګاه ته نژدې سیمو کې د مخالفو وسله والو بریدونه په شاتنبول شوي او اوس دغلته جګړې پای ته رسیدلې.
ښاغلي حیات پرون دوشنبې ماښام ازادي راډیو ته وویل چې هلمند ته ځانګړي ځواکونه وررسیدلي او دا مهال په هغو سیمو کې چې وسله وال برید کړی په تصفیوي عملیاتو بوخت دي څو دغلته ممکن پټ شوي وسله وال وباسي.
تردې مخکې د هلمند ولایتي شورا ریس رسنیو ته ویلي وو که اضافي ځواکونه ور وانه ستول شي ممکن لښکرګاه سقوط وکړي.
اجمل اند د هلمند له والي حیات الله حیات سره مرکه کړې او په سر کې ترې پوښتلې، په داسې حال کې چې افغان ځواکونو په دې وروستیو کې د هلمند په ځینو ناامنو ولسوالیو کې د طالبانو پر ضد پوځي عملیات پیل کړي وو، وسله وال څنګه وتوانیدل چې مرکز لښکرګاه ته څېرمه بریدونه وکړي او د دې ولایت د سقوط اندېښنې راپورته کړي؟
ښاغلي حیات وویل:
