د لاسرسۍ وړ لېنکونه

تازه خبر
چهارشنبه ۲۰ لیندۍ ۱۳۹۸ کابل ۰۴:۰۶

افغانستان

پر ملي ملي شورا په وسله واله حمله کې ۲ تنه وژل شوي او ۲۸ ټپیان دي

چارواکي وايي، پر ملي شورا د وسله والو په حمله کې دوه ملکي وګړي وژل شوي او ۲۸ نور ټپیان شوي دي.

د کابل امنیه قومندان عبدالرحمان رحیمي وویل چې په وژل شوو ملکیانو کې یوه ښځه او یوه وړه نجلۍ شاملې دي.

ښاغلي رحیمي زیاته کړه چې په دغه پېښه کې اته واړه حمله کوونکي هم د افغان سرتېرو له خوا ووژل شول.

هغه وویل چې په پيښه کې د ملي شورا غړو ته هېڅ زیان نه دی رسیدلی.

پر همدې مهال د عامي روغتیا وزارت وايي چې د پيښې له ځایه روغتونونو ته ۳۱ ټپيان لیږدول شوي دي.

د پېښې مسوولیت وسله والو طالبانو په غاړه اخستی دی.

په کابل کې نننۍ وسله واله حمله د حمله کوونکو په وژلو سره پای ته ورسېده

د کابل امنیه قومندان وايي چې د ملي شورا مخې ته رامنځته شوې نښته د حمله کوونکو په وژولو سره پای ته ورسېده.

عبدالرحمان رحیمي ازادي راډیو ته وویل چې په دغه نښته کې د ملي شورا غړو ته زیان نه دی رسیدلی.

خو د عامې روغتیا وزارت وايي چې تر غرمې پورې د پېښې له ځایه یو دېرش تنه ټپیان روغتونونو ته لیږدول شوي دي.

تر دې وړاندې داسې راپورونه موجود وو چې د ملي شورا مخې ته اته چاودنې شوي؛ خو امنیتي مسوولین وايي چې یوازې یوه لویه چاودنه شوې.

ویل کیږي چې نن سهار لس بجې او دېرش دقیقي ولسي جرګې ته د دفاع وزارت لپاره د کاندید وزیر په رسېدو سره دا پېښه رامنځ ته شوه.

وسله والو طالبانو د پيښي مسوولیت په غاړه اخستی دی.

پخواني معلومات:

د افغانستان د کورنیو چارو وزارت وايي چې د ملي شورا مخې یې ته نننۍ نښته وروسته له یونیم ساعته پای ته ورسېده.

د دغه وزارت ویاند صدیق صدیقي آزادي راډیو ته وویل چې اوو تنو حمله کوونکو چې غوښتل شورا ته ننوځي د افغان امنیتي ځواکونو له خوا ووژل شول.

ښاغلي صدیقي وویل چې په دغې نښته کې د ملي شورا استازو او افغان ځواکونو ته زیان نه دی اوښتي.

له دې وړاندې داسې راپورنه موجود وو چې د ملي شورا ودانۍ ته نږدې اته چاودنې شوي؛ خو د کورنیو چارو ویاند وايي چې په سیمه کې یوازې یو زوروره چاودنه شوي او نورې چاودنې د ملي شورا د محافظت قطعې د مرمیو د چاودونو له امله وي.

ویل کیږي چې دا حمله شاوخوا لس نیمې بجې هغه وخت وشوه چې د ملي دفاع وزارت کاندید محمد معصوم ستانکزي د ولسي جرګې تالار ته د نننوتو په حال کې و.

د دغې حملې مسوولیت وسله والو طالبانو منلی.

د اقتصاد وزیر وايي لاهم ۳۶ سلنه خلک د فقر تر لیکې لاندې ژوند کوي

د افغانستان د اقتصاد وزیر وايي چې په تېرو څوارلس کلونو کې له هېواد سره د نړېوالې ټولنې له مرستو سره - سره بیا هم ۳۶ فیصده خلک دفقر تر لیکې لاندې ژوند کوي.

عبدالستار مرادي نن د خپل سل ورځني کاري پلان د تشریح پرمهال وویل؛ دوی هڅه کوي چې معلومه کړي چې دغه مرستې په کومو ځایونو او څنګه مصرف شوي دي.

ښاغلي مراد زیاته کړه، که چېرې دغه موضوع روښانه نه شي؛ د دوی راتلونکي پروګرامونه به هېڅ نتیجه ور نه کړي.

تر دې وړاندې هم داسې انتقادونه موجود وو چې له افغانستان سره د نړېوالي ټولني له خوا میلیاردونه ډالر مرستې کړي چې زیاته برخه یې حیف میل شوي دي.

عبدالله: هیله ده د انتخاباتي اصلاحاتو کمیسیون تشکیل به ژر بشپړ شي

د افغان حکومت اجراییه مشر هیله څرګندوي چې د انتخاباتي اصلاحاتو کمیسیون تشکیل به ژر تر ژره بشپړ شي او په کار به پیل وکړي.

عبدالله عبدالله نن په کابل د وزیرانو شورا په غونډه کې دغې موضوع ته اشاره وکړه او ویې ویل:

((په انتخاباتي نظام کې اصلاحات چې د انتخاباتو د اصلاحاتو د کمیسیون له خوا کیږي؛ زه هیله لرم چې د افغانستان د انتخاباتو د اصلاحاتو د کمیسیون تشکیل ژر تر ژره سرته ورسیږي.))

ښاغلي عبدالله پرون د هسپانیا له سفیر سره په کابل کې وویل چې د انتخاباتي نظام د اصلاحاتو په هدف ټول لازم کارونه شوي دي.

د اجراییه ریاست له خوا په خپره شوې مطبوعاتي خبرپاڼې کې راغلي چې د هسپانیا سفیر ویلي؛په افغانستان کې د انتخاباتي نظام د اصلاح په صورت کې اروپايي ټولنهژمنه ده څو له افغانستان سره د انتخاباتو په برخه کې مالي مرسته وکړي.

په کابل کې ملي شورا ته څېرمه وسله واله نښته پای ته ورسېده

د ملي شورا مخې ته تر موټر بم چاودنې ورسته د وسله والو مخالفینو او امنیتي ځواکونو تر منځ نښته پای ته ورسېده.

د افغانستان د کورنیو چارو وزارت د ویاند مرستیال نجیب دانش آزادي راډیو ته وویل چې لومړي چاودنه د ملي شورا له ودانۍ څخه بهر شوې او وروسته څو تنه وسله والو په یو نیم کاره ودانۍ کې ځای ونیوی او له هغه ځایه ډزې پیل کړې.

دانش وايي، د ملي شورا استازو ته زیان نه دی رسیدلي او د جرګې استازي خوندي ځایونو ته انتقال شوي دي.

دا په داسې حال کې ده چې ټاکل شوی وه؛ نن دفاع وزارت کاندید معصوم ستانکزي د ولسمشر د دوهم مرستیال له لورې ولسي جرګې ته معرفي شي.

دا راپورنو له مخې په سیمه کې د اتو چاودنو غږونه اورېدل شوي.

چارواکو د پېښې د تلفاتو په اړه جزیات نه دي شریک کړي.

د پلخمري په اژدر کوتل کې د ماین چاودنې دوه افغان سرتیري ووژل

د پلخمري په اژدر کوتل سیمه کې نن سهار دوتنه افغان امنیتي سرتیري د یو ښخ شوي ماین له امله ووژل شول.

د بغلان د امنیه قومنداني ویاند احمد جاوید بشارت آزادي راډیو ته وویل چې دغه دوتنه افغان امنیتي سرتیري پر ګزمي بوخت وو چې موتړ یې په ښخ شوی ماین وربرابر شو.

تر دې وړاندې په پلخمري ښار کې هم ورته پېښې تکرار شوي دي .

د ملي شورا مخې ته چاودنې شوي دي

د ملي شورا ودانۍ ته څېرمه د درېیو چاودنو غږونه اورېدل شوي دي.

د ولسي جرګې له عمومي غونډې څخه خپاره شوي تصویرونه ښيي چې دا چاودنې د پارلمان ودانۍ ډېر نږدې وې.

تر اوسه د چاودنو د څرنګوالي او له امله یې د تلفاتو په اړه معلومات نشته.

د راپورونو له مخې نن دفاع وزات ته نوماند ولسي جرګې ته ور روان و.

تر اوسه د دې پېښې مسوولیت کومې ډلې نه دی منلی.

جزیات وروسته وړاندې کیږي.

د ملي شورا مخې ته چاودنې شوي دي

د ملي شورا ودانۍ ته څېرمه د درېیو چاودنو غږونه اورېدل شوي دي.

د ولسي جرګې له عمومي غونډې څخه خپاره شوي تصویرونه ښيي چې دا چاودنې د پارلمان ودانۍ ډېر نږدې وې.

تر اوسه د چاودنو د څرنګوالي او له امله یې د تلفاتو په اړه معلومات نشته.

د راپورونو له مخې نن دفاع وزات ته نوماند ولسي جرګې ته ور روان و.

تر اوسه د دې پېښې مسوولیت کومې ډلې نه دی منلی.

جزیات وروسته وړاندې کیږي.

عبدالله: د انتخاباتي اصلاحاتو کمیسیون به ډېر ژر په کار پیل وکړي

اجراییه رییس وايي، د انتخاباتي اصلاحاتو کمیسیون به ډېر ژر په کار پیل وکړي.

عبدالله عبدالله دا څرګندونې پرون په کابل کې د اسپانیا له سفیر سره په کتنه کې وکړې.

د اجراییه ریاست د ویاند دفتر په یو بیان کې د ښاغلي عبدالله له قوله زیاتوي چې وايي؛ د هېواد په انتخاباتي نظام کې د اصلاحاتو لپاره لازم اقدامات شوي دي.

د بیان له مخې د اسپانیا سفیر خوان خوزې روبیو دې اورکیا Juan José Rubio de Urquía په دې کتنه کې وویل؛ اروپايي ټولنې ژمنه کړې چې له افغانستان سره د انتخاباتو د ترسره کولو په برخه کې مالي مرسته کوي.

د هېواد په انتخاباتي نظام کې اصلاحات د ملي وحدت د حکومت د جوړېدو د موافقې له مهمو برخو څخه و.

د انتخاباتي اصلاحاتو کمیسیون څو اونۍ مخکې د ولسمشر له حکم سره سم جوړ شو؛ خو د راپورونو له مخې په حکومت کې دننه د خپل منځي اختلافونو له کبله یې تراوسه عملي کار نه دی پیل کړی.

د پروان پوهنتون ځینو محصلینو مظاهر وکړه

د پروان پوهنتون یوشمېر محصلانو پرون مظاهره وکړه.

دې محصلانو چې ویل یې، د پروان پوهنتون په لیلیه کې د ستونزو له کبله یې اعتراض کړی د کابل- پروان پر لویه لاره د موټرو تګ راتګ د څو ساعتونو لپاره بند کړ.

یوه محصل چې د خپل نوم له ښودلو یې ډډه وکړه آزادۍ راډیو ته د خپلو ستونزو په اړه وویل:

((په لیلیه کې خورا زیاتې ستونزې لرو. د اوړي ګرمي ده، په کافي اندازه خواړه نشته، خونې ډېرې تودې دي، په روژه کې پکي نلرو. زموږ هیله داده چې په روژه مبارکه کې پوهنتون رخصت کړي او له روژې وروسته درس راکړي او ازموینې واخلي.))

د پروان پوهنتون رییس غلام داود بها د معترضانو دا شکایتونه بې بنسټه وبلل. ښاغلي بها آزادۍ راډیو ته وویل چې د لوړو زده کړو د قانون له مخې دې محصلانو ته رخصت نشي ورکولای.

ولسمشر غني: لوړ پوړي دولتي چارواکي باید د ملي امنیت په روغتون کې د علاج په بدل کې پیسې ورکړي

د ولسمشر اشرف غني د حکم له مخې له دې وروسته د دولت ټول جګپوړي چارواکي باید د ملي امنیت ادارې په روغتون کې د خپلو کورنیو د غړو د علاج په بدل کې پیسې ورکړي.

ولسمشر غني ویلي چې له دې پیسو څخه به د ملي امنیت د روغتون د کیفیت په ښېګڼه او د نوموړې ادارې د کارکوونکو د سم علاج په برخه کې کار واخیستل شي.

په دې اړه د جمهوري ریاست له خوا په خپاره شوي بیان کې راغلي دي چې دا څرګندونې افغان ولسمشر د ملي امنیت له روغتون څخه د لیدنې پرمهال کړې دي.

ښاغلي غني همداراز د روغتون ډاکټرانو او نورو کارکوونکو ته سپارښتنه کړې چې د ناروغانو د علاج په برخه کې له ټولو لازمو امکاناتو څخه کار واخلي.

کونړ: پر یوه کور د توغندي د لګېدو له امله ۴ ماشومان ټپیان شوي

د کونړ ولایت امنیتي چار واکي وایي؛ تېر ماښام په یوه کور د توغندي د لګېدو له امله څلور ماشومان ټپیان شوي دي.

د دې ولایت امنیه قومندان عبدالحبیب سید خیل ازادي راډیو وویل چې دغه هاوان مرمۍ د وسله والو له خوا توغول شوی دی.

بل خوا بیا د سید اباد روغتون ډاګټران وایي چې دوی ته څلور تنه ماشومان وروړل شوي دي چې د دوو ماشومانو حالت د انديښنې وړ دي.

د کندز دشت ارچي ولسوالۍ نن سهارد طالبانو لاس ته ولویده

د کندز دشت ارچي ولسوالي نن سهارد طالبانو لاس ته ولویده.

دا خبره د دشت ارچي ولسوال نصرالدین سعدي ازادي راډيو ته وکړه او ویې ویل چې وسله والو مخالفینو له تیرو دوو ورځو راهیسې د دغې ولسوالۍ پر مرکز پراخ بریدونه پیل کړي و.

طالب ویاند ذبیح الله مجاهد هم دا منلې چې دشت ارچي ولسوالۍ طالبانو نیولې ده.

دوه ورځې مخکې د کندزچاردره ولسوالۍ هم د طالبانو لاس ته لویدلې وه.

د ننګرهار او لغمان ترمنځ د برېښنا قطع شوی لاین بېرته وتړل شو

د افغانستان دبریښنا ریاست وايي چې نن غرمه یې د ننګرهار او لغمان ترمنځ د برېښنا قطع شوی لاین تړلی دی.

د برېښنا شرکت رییس عبدالرازق صمدي چې نن د مشرانو جرګې استجوابیه غونډي ته ورغوښتل شوی و وویل چې یاد لین یې د سیمې د اوسیدونکو په همکاري بېرته تړلی دی.

ښاغلي صمدي زیاته کړه، د هلمند په کجکي ولسوالۍ کې د برېښنا لین چې څو ورځې مخکې د جګړو له امله پرې شوی و؛ هم تړلې دی.

مشرانو جرګې د برېښنا رییس عبدالرازق صمدي د ننکرهار - لغمان او کندهار - هلمند ولایتونو د برېښنا د لینونو د پرې کېدو له امله د دغه جرګې استجوابیه غونډې ته ور غوښتی و.

د ملي امنیت عمومي ریاست د غزني پوهنتون له دوو استادانو بخښنه وغوښته

د افغانستان د ملي امنیت عمومي ریاست د غزني پوهنتون له دوو تنو استادانو سره د دغه ریاست د کارمندانو له خوا د شوي چلند له امله بخښنه وغوښتله.

د ملي امنیت عمومي ریاست څخه په خپره شوې اعلامیه کي ویل شوي چې د ملي امنیت عمومي رییس رحمت الله نبیل نن د خپل کار په دفتر له یادو استادانو سره د لیدنې پرمهال خواشیني ښودلې او زیاته کړې ده چې د ملي امنیت ریاست د ټولو هېواد والو حقوقو ته ژمن دی.

ښاغلي نبیل زیاته کړه چې په اړه به هر اړخیزه څېړنه وکړي.

د یادو استادانو سرونه څو ورځې وړاندې په غزني کې د ملي امنیت د دوو کارمندانو له خوا د نا څرګندو دلایلو له امله خریل شوي وو.

نور راوښيه

XS
SM
MD
LG