https://pa.azadiradio.com د اورېدو طريقه: د ازادې اروپا/ ازادۍ راډيو د پښتو په ګډون په ٢۸ بېلابېلو ژبو خپرونې کوي. زياتې خپرونې يې د سيمې او نړۍ په هېوادونو کې پر FM او منځنۍ MW اورېدل کېږي. که د ويبسايټ له لارې د خپرونو په اورېدو کې ستونزه لرئ، هيله ده د تخنيکي مرستې مطلب ته ورشئ. https://pa.azadiradio.com/Content/responsive/RFE/pus-AF/img/logo.png https://pa.azadiradio.com ps د کاپي حقوق له ازادۍ راډيو سره خوندي دي 60 Thu, 23 Apr 2026 04:28:46 +0430 Pangea CMS – RFE/RL azadiweb@rferl.org طالب چارواکو ویلي په بدخشان کې یې دوه تنه پر چینايي وګړو د برید په تړاو نیولي دي. دا خبره د بدخشان د امنیه قومندانۍ ویاند احسان الله کامګار رسنیو ته کړې ده. هغه ویلي دا دوه کسان په مایمې ولسوالۍ کې نیول شوي. تر دې مخکې د تاجکستان ولسمشر امام علي رحمان د افغانستان له خاورې پر تاجکستان بریدونه غندلي وو او هغه یې ناقانونه او پاروونکي اقدامات بللي وو. رحمان له امنیتي چارواکو سره په غونډه کې ټينګار کړی چې کوټلي ګامونه پورته کړي څو د دغسې ناوړه پېښو مخه ونیسي. د تاجکستان ولسمشرۍ ماڼۍ نن په یوه بیان کې زیاته کړې چې تېره یوه اوونۍ د افغانستان له خوا په دوو جلا بریدونو کې لږ تر لږه پنځه کسان وژل شوي او پنځه نور ژوبل دي. وژل شوي کسان چینايان دي چې هلته یې د سرو زرو په کان او د سړک جوړوونې په یوه شرکت کې کار کاوه. لومړی برید د نومبر په ۲۶مه د ختلان ولایت په شمس الدین شاهین سیمه کې د سرو زرو د وینځلو په یوه فابریکه شوی چې لږ تر لږه دری چینایان مړه او یو بل سخت ټپي شوی. دویم برید د نومبر په دېرشمه همدا یکشنبه د سړک جوړوونې په کارګرو شوی چې لږ تر لږه دوه چینایي کارګران پکې وژل شوي او څو نور ژوبل دي. له دې سره جوخت چین له خپلو اتباعو غوښتي چې د تاجکستان – افغانستان له سرحدي سیمو ووځي. طالبانو د وروستۍ پېښې په تړاو څه نه دي ویلي خو د تېرې اوونۍ د پېښې په غبرګون یې ویلي وو چې ځینې کړۍ پکې ښکېلې دي او غواړي د سیمې د هېوادونو تر منځ بې ثباتي، ګډوډي او بې اعتباري رامنځته کړي. پر چینايي وګړو داسې وخت د افغانستان او تاجکستان په سرحدي سیمو کې دوه واره تېره اوونۍ بریدونه شوي چې په دې وروستیو کې د طالبانو او تاجکستان د حکومتونو تر منځ اړیکې زیاتې شوي. یو لوړپوړی تاجکستانی پلاوی تېره میاشت کابل ته تللی وو او له طالب چارواکو سره یې ولیدل. کابل ته د تاجکستان د پلاوي تر سفر مخکې د طالبانو چارواکي له هغې ډلې د بلخ لپاره د طالبانو والي یوسف وفا تاجکستان ته تللی وو. https://pa.azadiradio.com/a/33610045.html https://pa.azadiradio.com/a/33610045.html Mon, 01 Dec 2025 18:18:09 +0430 د ازادي له نورو څانګوراپورونه د ایران پرس ټي وي د پارلمان د ملي امنیت او بهرنۍ پالیسۍ د کمېټې د غړي اسماعیل کوثري په حواله لیکلي چې د امریکا د بریدونو په غبرګون د پارلمان غړو د دې لارې په تړلو سلا کړې. هغه بیا ویلي چې د هُرمز تنګي د تړلو وروستۍ پرېکړه د ایران د ملي امنیت په عالي شورا تړلې ده. هُرمز تنګی چېرته موقعیت لري؟ هُرمز تنګی د ایران او عُمان تر منځ موقعیت لري داسې چې شمالي غاړه ساحل یې ایران او جنوبي ساحلونه یې د عمان سلطنت مصندم سیمې سره نښلوي. په دغه سمندري تنګي کې د ایران مخامخ تر اوبو هاخوا سعودي عربستان او متحده عربي امارات پراته دي. بلآخره دا تنګی د سیمې دا هېوادونه له عرب سمندرګي سره وصلوي. د هُرمز تنګي خوله تر ۵۰ کیلومتره پراخه ده خو په تر ټولو واړه ځای کې یې سور ۳۳ کیلومترو ته کمیږي. ځینې ځایونو کې د بېړۍ چلولو لپاره یواځې درې کیلومتره ساحه مساعده ده. دا تنګی ووړ خو ولې مهم دی؟ د نړۍ یو پر پنځمه برخه یا شل فیصده تېل له دغه تنګي په کښتیو کې وړل کېږي. دا اندازه د ورځې غالباً ۱۸ میلیونه تر ۱۹ میلیونه بېرله تېل کېږي. د دې تنګي له لارې په ایران سربېره چې د تیلو له لویو صادرونکو دی د نړۍ د تیلو نور لوی صادرونکي سعودي عربستان، عراق، کوېټ او متحده عربي امارات کار اخلي. ایران چې د ورځې ترې درې میلیون او درې لکه بېرله تیل تولیدوي څه باندې دوه میلیونه بېرله یې له هُرمز تنګي انتقالوي. د دوی لپاره دا ازادو اوبو او نورو مقاصدو ته د تېلو د رسولو تر ټولو اسانه او ارزانه لار ده خو که وغواړي نورې بدیلې لارې پیدا کړي د تیلو بیه به په وروستي مقصد کې ډېر ګرانه پریوزي او ورسره به د تیلو نړیوالې بیې په بې سارې توګه لوړې لاړې شي. د ایران پرس ټي وي دا خبرداری هم ورکړی چې د تنګي د احتمالي تړلو په لومړۍ اوونۍ کې به د تیلو بیه تر اتیا فیصدو لوړه شي. لویدیځ قدرتونه د دغه تنګي د تړلو په اړه خبرداری ورکړی دی. د اروپايي ټولنې د بهرني سیاست مشرې کایا کالاس ویلي د هُرمز تړل به ډېر خطرناکه وي او هېچاته به ګټه ونه کړي. کالاس د دوشنبې په ورځ په بروکسل کې د اروپايي ټولنې د بهرنیو چارو وزیرانو په څنډه کې په دې اړه وویل: «وزیران ډېر تمرکز په ډیپلوماټیک حل لارې کوي او همدارنګه د غچ اخیستلو او د دې جګړې د زیاتېدو اندېښنې ډېرې دي، په ځانګړې توګه د ایران له خوا د هرمز تنګي تړل به ډېر خطرناکه وي او د هیچا ته به ښه نه وي» د امریکا د بهرنیو چارو وزیر مارکو روبیو ویلي: د ایران ګواښونه څومره جدي نیول کېدای شي؟ د ایران سمندري ځواکونو د نړۍ له بندیزونو او ګواښونو سره سره په دغه تنګي کې وخت ناوخته نړیوالې بېړۍ چلوونې ته ستونزې ولاړې کړي دي. د اکثرو لویدیځو هېوادونو تیل وړونکې او لویې کښتۍ یې ضبط او عملې يې نیولي دي چې اکثر د نړیوالو کړکېچونو لامل شوي دي. https://pa.azadiradio.com/a/33452608.html https://pa.azadiradio.com/a/33452608.html Mon, 23 Jun 2025 19:15:05 +0430 د ازادي له نورو څانګو