"تر راتلونکو ۲۵ کلونو پورې به امریکايي سرتېري په افغانستان کې وي"

د امريکا ولسمشر بارک اوباما او افغان سيال يې حامد کرزى وايي، ټاکل شوې په افغانستان کې د امريکا پوځي ماموريت د ٢٠١٣م کال په پسرلي کې تر پخواني مهالوېش څو مياشتې مخکې؛ د افغان ځواکونو په ملاتړي رول بدل شي.

ايا افغان ځواکونه دا وړتيا لري، چې تر ټاکلي مهالوېش مخکې امنيتي مسووليتونه مخکې واخلي؟

ټاکل شوې وه، افغان او امريکايي لورى تر ٢٠١٤م کال وروسته په افغانستان کې د پاتې کېدونکو امريکايي ځواکونو د شمېر په اړه هم موافقه وکړي. خو دغه شمېر اعلان نه شو. ولې دا جنجالي مساله ده او ایا نورو بحثونو ته اړتيا لري؟

دغه پوښتنه صالح محمد صالح په امريکا کې مېشت له سياسي کارپوه او د افغانستان د جمهوري رياست د انتخاباتو له پخواني کانديد سرور احمدزي څخه د مرکې په سر کې کړې ده:

په افغانستان کې د امریکايي عسکر د پاتې کېدو په اړه له سرور احمدزي سره مرکه