د جرمني د دفاع نوي وزير توماس دي مويزير، دې مقام ته تر ټاکل کېدو وروسته افغانستان ته خپل لومړنى سفر پرون پيل کړ. نوموړي د دې سفر په پيل کې وويل، هېواد يې د افغان ځواکونو روزنې ته ژمن دى.
ښاغلي مويزير د افغانستان د دفاع له وزير ستر جنرال عبدالرحيم وردګ سره تر کتنې وروسته وويل، د جرمني او افغان ځواکونو ګډه همکاري، افغان ځواکونو ته د امنيتي مسووليتو په سپارلو کې د برياليتوب کيلي ده.
نوموړي تاييد کړه چې افغان ځواکونو ته د امنيتي چارو سپارل به د روان ميلادي کال په جولاى مياشت کې پيل شي.
د جرمني د دفاع وزير له افغان ولسمشر حامد کرزي سره تر کتنې وروسته وويل افغان چارواکي د جرمني پوځ ستايي.
ښاغلى مويزير د دفاع وزير په توګه تر ټاکل کېدو درې اوونۍ وروسته د لومړي ځل لپاره افغانستان ته راځي. نوموړي په افغانستان کې مېشتو جرمني پوځيانو ته وويل، چې افغانستان ته يې تګ ډېر مهم و.
تمه کېږي چې د جرمني د دفاع وزير په افغانستان کې د ناټو او امريکايي ځواکونو له عمومي قوماندان جنرال ډېوېډ پټرايوس سره هم وګوري.
تر دې يوه ورځ مخکې د جرمني پارلمان په افغانستان کې د اواکس اکتشافي الوتکو په ماموريت کې د ګډون لپاره د ٣٠٠ پوځيانو لېږل تصويب کړل. دغه اقدام د پارلمان په اکثريت رايو تصويب شو، خو نه دي ويل شوي چې دغه اکشتافي ماموريت به څومره دوام وکړي.
جرمني حاضردمه په افغانستان کې شا و خوا پنځه زره عسکر لري، خو د دې نوي پوځي ماموريت له پيل سره به د دوى شمېر ٥٣٠٠ شي. له ٢٠٠٢م کال راهيسې چې جرمني په افغانستان کې خپل ماموريت پيل کړى، نژدې پنځوس جرمني عسکر په بېلابېلو پېښو کې وژل شوي دي.
ښاغلي مويزير د افغانستان د دفاع له وزير ستر جنرال عبدالرحيم وردګ سره تر کتنې وروسته وويل، د جرمني او افغان ځواکونو ګډه همکاري، افغان ځواکونو ته د امنيتي مسووليتو په سپارلو کې د برياليتوب کيلي ده.
نوموړي تاييد کړه چې افغان ځواکونو ته د امنيتي چارو سپارل به د روان ميلادي کال په جولاى مياشت کې پيل شي.
د جرمني د دفاع وزير له افغان ولسمشر حامد کرزي سره تر کتنې وروسته وويل افغان چارواکي د جرمني پوځ ستايي.
ښاغلى مويزير د دفاع وزير په توګه تر ټاکل کېدو درې اوونۍ وروسته د لومړي ځل لپاره افغانستان ته راځي. نوموړي په افغانستان کې مېشتو جرمني پوځيانو ته وويل، چې افغانستان ته يې تګ ډېر مهم و.
تمه کېږي چې د جرمني د دفاع وزير په افغانستان کې د ناټو او امريکايي ځواکونو له عمومي قوماندان جنرال ډېوېډ پټرايوس سره هم وګوري.
تر دې يوه ورځ مخکې د جرمني پارلمان په افغانستان کې د اواکس اکتشافي الوتکو په ماموريت کې د ګډون لپاره د ٣٠٠ پوځيانو لېږل تصويب کړل. دغه اقدام د پارلمان په اکثريت رايو تصويب شو، خو نه دي ويل شوي چې دغه اکشتافي ماموريت به څومره دوام وکړي.
جرمني حاضردمه په افغانستان کې شا و خوا پنځه زره عسکر لري، خو د دې نوي پوځي ماموريت له پيل سره به د دوى شمېر ٥٣٠٠ شي. له ٢٠٠٢م کال راهيسې چې جرمني په افغانستان کې خپل ماموريت پيل کړى، نژدې پنځوس جرمني عسکر په بېلابېلو پېښو کې وژل شوي دي.