په تیرو درو کلونو کې پر ښځو د طالبانو د بندیزونو بېلګې
طالبانو په لومړیو کې د شریعت په چوکاټ کې د ښځو حقونو ته د درناوي ژمنه کړې وه خو واک ته له رسېدو وروسته يې داسي فرمانونه صادر کړل چې په دوامداره توګه یې د ښځو پر زده کړو، کار، ټولنیز او سیاسي فعالیت او سفر په برخو کې بندیزونه وضع کړل. د دغو بندیزونو یو شمېر بلیګې دلته وګورئ.
د پېښو مهالوېش
د نورو جزیاتو لپاره، په مهالوېش کې پر پېښو کلیک وکړئ
لیندۍ ۰۲، ۱۴۰۱م کال
طالبانو د مدافع وکیلانو خپلواکه ټولنه له منځه یووړه او ښځينه قاضیانې او څارنوالانې يې له دندو ګوښه کړې
مرغومی ۱۰، ۱۴۰۰م کال
طالبانو له هټۍ والو او کالي پلورونکو غوښتي چې له هغو نانځکو سرونه پرې کړي چې لباسونه یې پر ځړولي
کب ۰۲، ۱۴۰۰م کال
طالبانو له وزارتونو او دولتي ادارو غوښتي چې دوی په خبره بې حجابه ښځې دولتي ادارو ته له تللو منع کړي
وری ۱۷، ۱۴۰۱م کال
طالبانو په پوهنتونونو کې د نارینه او ښځو ګډو علمي سمینارونو، فراغت غونډو او کنفرانسونو باندې بندیز ولګاوه
چنګاښ ۲۸, ۱۴۰۱م کال
طالبانو په ماليې وزارت کې ښځو ته ویلي چې د ځان پر ځای یو نارینه ورته معرفي کړي.
وږی ۳۱، ۱۴۰۱م کال
په کندهار کې طالبان تر شپږم ټولګیو کښته نجونې په دې پلمه ایستلي چې عمرونه یې تر۱۳ کلونو لوړ دي
غویی ۰۴، ۱۴۰۱م کال
طالبانو په کابل پوهنتون کې د نجونو او هلکانو د تدریسې ورځو د جلا کولو پرېکړه اعلان کړه
غویی ۲۳, ۱۴۰۱م کال
طالبانو اعلان وکړ چې ښځې له نارینه خپلوانو او کورنیو سره یو ځای په رستورانونو کې ډوډۍ نشي خوړلای
غویی ۲۹، ۱۴۰۱م کال
طالبانو رسنیو ته امر وکړ چې ښځې باید په خپرونو کې له سترګو پرته خپل ټول مخ پټ کړي
تله ۲۶, ۱۴۰۱م کال
طالبانو د د کډوالو او بیرته راستنېدونکو چارو وزارت ښځينه کارکوونکې له دندو ځواب کړې
مرغومی ۴، ۱۴۰۱م کال
طالبانو د کابل په جوماتونو کې د بالغو نجونو پر دیني زده کړو بندیز ولګاوه
مرغومی ۱۳, ۱۴۰۱م کال
طالبانو په کنړ او ننګرهار کې د معلولو نجونو پر زده کړو بندیز ولګاوه
مرغومی ۱۹, ۱۴۰۱م کال
طالبانو یوازي تر شپږم ټولګي پوري د نجونو د ښوونځيو د پرانیستلو امر وکړ.
سلواغه ۸، ۱۴۰۱م کال
طالبانو د خصوصي پوهنتونونو لپاره د کانکور په ازموینه کې د نجونو پر ګډون بندیز ولګاوه
وری ۱۱, ۱۴۰۲م کال
د طالبانو مشر د نویو مقرراتو له مخې د پخوانیو حل شویو قضیو د بیا ارزونې امر وکړ چې له کبله یې طلاقې شوې ښځې پخواني مېړونو ته د ستندېدو له خطر سره مخامخ شوې
وری ۲۷, ۱۴۰۲م کال
طالبانو په کندهار ولایت کې د سیمه ییزو ټولګیو او ټولو ښوونیزو موسسو د ځنډولو امر وکړ
چنګاښ ۲۷, ۱۴۰۲م کال
طالبان وايي چې د نجونو د زده کړو موضوع تر امر ثاني معطل وي، کانکور به یې هم معطل وي.
چنګاښ ۲۷، ۱۴۰۲م کال
طالبانو لویه څارنوالي لغوه او د ښځو په ګډون یې شا او خوا ۴۰۰۰ خدماتي پرسونل، ملکي او نظامي څارنوالان له دندو ګوښه او امتيازات يې قطع کړل
وری ۳۱, ۱۴۰۳م کال
طالبانو د کابل په ښوونیزو مرکزونو کې تر شپږم ټولګي پورته د نجونو پر جذب او زده کړو بندیز ولګاوه
لیندۍ ۲۶، ۱۴۰۳
طالبانو اعلان وکړ چې د طبي پوهنځیو په اګزیټ ازموینو کې به یوازي نارینه ګډون کوي
