د لاسرسۍ وړ لېنکونه

تازه خبر
شنبه ۷ غبرګولی ۱۴۰۱ کابل ۰۲:۳۸

د اروپا او اسټرالیا فوټبال لیګونو کې ۲ افغان لوبغاړي افغانستان سره یو ځایېږي


د افغانستان د فوټبال ملي لوبډله د تمرینونو پر مهال

د اروپا او اسټرالیا په لیګونو کې دوه لوبېدونکي افغان لوبغاړي د افغانستان د فوټبال ملي لوبډلې سره يو ځای کېږي.

د فوټبال فدراسیون ویاند فېروز معشوف نن ازادي راډيو ته وویل چې دا دوه لوبغاړي یې رابللي چې د افغانستان په ملي لوبډله کې ولوبېږي.

د ښاغلي معشوف په خبره رحمت الله اکبري او سلیمان زرمتی چې په اوس وخت کې د اسټرالیا او سويډن د فوټبال په لومړي لاس لیګونو کې لوبېږي، د افغانستان د فوټبال ملي لوبډلې د روزونکي انوش دستګیر له خوا بلنه ورکړل شوې چې د افغانستان د فوټبال ملي لوبډلې جامه واغوندي.

تر دې مخکې د حسین په نوم یو بل لوبغاړي هم چې په اروپايي لیګونو کې لوبېده، د افغانستان د فوټبال په ملي لوبډله کې د لوبېدو بلنه یې منلې وه.

ویل کېږي چې دا درې واړه لوبغاړي به ډېر ژر د افغانستان د فوټبال ملي لوبډلې له روزنیز کمپ سره يو ځای شي.

XS
SM
MD
LG