د افغانستان او بنګلهدېش د کرکټ لوبډلو ترمنځ د شل اورونو لړۍ پیلېږي.
د کرکټ بورډ د رسنیو د برخې مسؤل فرید هوتک ازادي راډیو ته وویل چې دا لوبې سر له سبا شروع کېږي: "ټاکل شوې ده چې د افغانستان او بنګلهدېش د کرکټ د ملي لوبډلو ترمنځ د شل اورونو لوبو لړۍ پنجشنبه پیل شي. د دواړو هېوادونو ترمنځ به د شل اورونو دوه نړیوالې لوبې ترسره شي. د دغو لوبو لپاره افغان لوبډلې ښه چمتووالی نیولی او که خدای کول پایله بهیې هم ښه وي."
افغان لوبډله به د شل اورونو دوهمه لوبه د شنبې په ورځ له بنګلهدېش سره وکړي.