د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۹:۵۳

افغانستان کې د لاریونونو پراخېدل؛ د 'طالبانو ‌‌‌‌‌‌ډزو' ځیني وژلي او ټپيان کړي


کابل کې د تېرې ورځې د پاکستان ضد لاریون او اعتراضونه
کابل کې د تېرې ورځې د پاکستان ضد لاریون او اعتراضونه

‎د افغانستان په بېلابېلو سیمو کې د لاریونونو پراخېدل او د دغو اعتراضونو د خورولو او ختمولو لپاره د طالبانو له لوري فزیکي فشارونه.

‎دغو لاریونونو کې د لاریون کوونکو په وړاندې د طالبانو ‌‌‌‌‌‌ډزو د ځیني کسانو د وژل کېدو او ټپي کېدو لامل شوي دي.

‎په تازه دا ‌‌‌‌‌‌ډول پېښه کې د سې شنبې په ورځ «۱۴۰۰ کال د وږې ۱۶» د هېواد په ځینو ولایتونو کې د لاریونونو پر مهال لږ تر لږه درې کسان وژل شوي دي.

‎له دې اعتراض کوونکو دوه‌یې یوازې په هرات ولایت کې وژل شوي او څلور نور ټپیان شوي دي. ‎۳۵ کلن استاد بشر احمد افسري په هرات کې یو له دغو وژل شویو دی.

‎دی چې د انقلاب لېسې له پخوانیو ښوونکو و، تېره ورځ د هرات ولایت مقام مخې ته د لاریون پر مهال د طالبانو په هغو ‌‌‌‌‌‌ډزو کې ووژل شو چې د اعتراض کوونکو پر لور وشوې.

‎د استاد افسري خپلوانه فاطمه بیات په اړه‌یې ازادي را‌‌‌‌‌‌ډیو ته وویل: "زه فکر نه‌کړم چې هغوی دې له ازادۍ پرته کومه بله غوښتنه کړې وي، د قرانکریم په کوم ځای کې ویل شوي چې د مسلمان ورور وینه تویېدنه روا ده؟ هغوی چې ځانونو ته مسلمانان وایي باید دا پوښتنه ځواب کړي، تر څو به موږ خپل خپلوان له لاسه ورکوو؟"

هرات کې لاریونونه
هرات کې لاریونونه

‎د هرات ترڅنګ د سې شنبې په ورځ په پروان ولایت کې هم لاریون له تاوتریخوالي سره مخ شو.

‎یو شمېر اعتراض کوونکو ازادي را‌‌‌‌‌‌ډیو ته وویل چې طالبانو هغوی وهلي او ځیني یې له ځان سره بیولي دي.

‎د هغوی په خبره، د طالبانو له لوري د لاریون کوونکو د پاشلو لپاره د ‌‌‌‌‌‌ډزو په ترڅ کې یو شمېر کسان وژل شوي او ټپیان شوي، خو تر اوسه د دغو کسانو په اړه کره شمېرې نه‌دي ورکړل شوي.

‎دا لاریونونه د کابل په ګډون د افغانستان په نورو ښارونو کې هغه مهال پیل شول چې طالبان واک ته ورسېدل.

‎دا لاریونونه لومړی په کابل او هرات کې او همداسې غور، بلخ، ننګرهار، بدخشان، دایکنډي، پروان او ځینو نورو ولایتونو ته وغځېدل.

‎یو شمېر لاریون کوونکو د پاکستان او جګړې خلاف شعارونه ورکړل او د ځان د حقونو او ازادیو غوشتونکي شول.

‎له دې وړاندې هم په ننګرهار ولایت کې د هېواد د ملي بیرغ د ملاتړ لپاره یو کس د طالبانو په ‌‌‌‌‌‌ډزو کې ووژل شو.

جلال‌اباد کې د افغانستان د ملي بیرغ په ملاتړ لاریون او اعتراضونه
جلال‌اباد کې د افغانستان د ملي بیرغ په ملاتړ لاریون او اعتراضونه

‎د روېټرز خبري اژانس د راپور له مخې، لږ تر لږه د لاریونونو پر مهال د ‌‌‌‌‌‌ډزو په ترڅ کې درې کسان وژل شوي او ۱۲ نور ټپیان شوي دي.

‎ازادي را‌‌‌‌‌‌ډیو هڅه وکړه د لاریونونو پر مهال د طالبانو د ‌‌‌‌‌‌‌ډزو په اړه او دا چې دا ‌‌‌‌‌‌ډول ادعاګانې یې په اړه مطرح کېږي د طالب ویاندویانو نظر هم واخلي، خو دا هڅې بریالۍ نه‌شوې.

‎خو تېره ورځ طالب ویاند ذبیح‌الله مجاهد د طالبانو د کابینې د اعلان پر مهال په خبري ناسته کې وویل تر هغه چې حکومت خپل کار پیل کړی نه‌وي، دا ‌‌‌‌‌‌ډول لاریونونه بې‌ګټې دي ځکه په خبره‌یې یوه ځواب ویونکې اداره نه‌شته.

XS
SM
MD
LG