د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۰۵:۵۲

اشرف غني د توکیو المپیک افغان لوبغاړو سره ولیدل


جمهور رئیس محمد اشرف غني افغان لوبغاړو سره
جمهور رئیس محمد اشرف غني افغان لوبغاړو سره

جمهور رئیس محمد اشرف غني د توکیو المپیک نړیوالو سیالیو افغان لوبغاړو سره ولیدل.

ښاغلي غني د تېر ماښام په دغه لېدنه کې وویل، د ویاړ ځای دی چې افغان نجونې او هلکان په نړیوالو سیالیو کې په ګډون کولو سره نړۍ ته د مساواتو دا پیغام ورکوي چې افغان نارینه او ښځې د یو بل ترڅنګ دي.

همدارنګه د بدني روزنې او ورزش عمومي رئیس حفیظ الله ولي رحیمي په یاده ناسته کې د جمهور رئیس له پاملرنې او ملاتړه په مننې د ورزش د هر اړخیزې ودې لپاره خپل وړاندیزونه له جمهوررئیس سره شریک کړل.

نوموړي وویل د بدني روزنې او ورزش ستراتیژۍ تطیبق سره به ورزش ډېره وده وکړي او د ۲۰۲۴ پاریس لوبو کې به افغان لوبغاړي ښه وځلېږي.

جمهور رییس غني د ملاتړ د ډاډ ورکولو ترڅنګ وویل، د ورزش ستراتیژۍ تطبیق ته دې زمینه برابره شي، ځکه خلک له ورزش او ورزشکارانو سره زیاته مینه لري.

XS
SM
MD
LG