د افغانستان کرکټ بورډ وايي، تر راروانې یکشنبې به معلومه شي چې د هېواد د کرکټ ستوری راشد خان د افغانستان او زېمبابوې د ټېسټ لوبو په لړۍ کې ګډون کوي که نه.
د کرکټ بورډ ویاند فرید هوتک نن په دې اړه ازادي راډیو ته وویل: "د فبرورۍ تر ۲۸مې پورې به ډاکتران خپله وروستۍ پرېکړه اعلان کړي چې ایا راشد خان کولای شي که نه چې په دې لوبو کې د افغانستان استازیتوب وکړي او که نه د ټپونو له کبله نهشي کولای په لومړۍ لوبه کې ګډون وکړي."
د راشد خان د ټپي کېدو علت تر اوسه معلوم نهدی.
افغانستان به راتلونکې اوونۍ په متحده عربي اماراتو کې له زېمبابوې سره د دوو ټېسټ لوبو کوربه وي چې د سې شنبې په ورځ د مارچ په دوهمه نېټه پیلېږي.