د لاسرسۍ وړ لېنکونه

تازه خبر
شنبه ۱۶ کب ۱۳۹۹ کابل ۰۴:۲۶

د میدان وردک والي: د بهسودو پېښې په اړه دولتي پلاوي څېړنې پای ته رسولي


د میدان وردک والي عبدالرحمان طارق

د میدان وردک ولایت د بهسودو لومړۍ حصې ولسوالۍ کې د جمعې ورځې پېښې په تړاو سیمې ته لېږل شوي پلاوي خپل څېړنې بشپړې کړي دي.

د میدان وردک والي عبدالرحمان طارق ازادي راډیو ته وویل، سیمه‌ییزه اداره د دې پلاوي د څېړنو د پایلو په اړه جزئیات نه لري او پلاوی به خپل ټول راپور د حکومت له رهبرۍ سره شریک کړي.

ښاغلي طارق زیاته کړه: "موږ د کار په جریان کې نه وو. دا یو ځانګړی پلاوی و، څو له خلکو سره وګوري. یوازې دومره پوهېږم چې خلکو سره یې لیدلي او جزئیات یې د دولت له رهبرۍ سره شریک کړي دي."

له تېرې جمعې راهیسې د میدان وردک ولایت د بهسودو په لومړۍ حصه ولسوالۍ کې د امنیتي ځواکونو او وسله والو کسانو ترمنځ چې ځان سیمه‌ییز پاڅون کوونکي بولي د نښتې له امله، هلته وضعیت ترینګلی شوی دی.

د افغانستان د کورنیو چارو وزارت وايي، د عبدالغني علي‌پور اړوند وسله‌والو د خلکو په یوه لاریون له ډزو وروسته یو شمېر سرتېري ټپیان کړي.

خو په ولسي جرګه کې د میدان وردک ځینې استازې،د پېښې ټپیان او د سیمې خلک بیا وايي، پر لاریون کوونکو امنیتي ځواکونو ډزې کړي دي.

په دې پېښه کې ۹ تنه وژل شوي او ۱۲ نور ټپیان شوي دي.

تر اوسه د دې پېښې ټول اړخونه روښانه نه دي.

XS
SM
MD
LG