د کابل کرکټ لوبډلې د پروان لوبډلې ته ماته ورکړه.
د افغانستان د کرکټ بورډ ویاند فرید هوتک نن چهارشنبه(د سلواغې ۱۵مه) ازادي راډیو ته وویل، د ولایتي درېیمه درجه لوبو په دوام نن دا لوبډلې د یو بل پر وړاندې ولوبېدې.
ښاغلی هوتک وایي، لومړی د کابل لوبډلې د پچې په ګټلو سره توپ وهنه پیل کړه او بالاخره په ۵۰ ټاکل شوېو اورونو کې یې د پروان کرکټ لوبډلې ته د ۳۱۱ هدف وټاکه.
د نوموړي په خبره، د پروان لوبډلې تر ۳۰ اووره پورې ټول لوبغاړي وسوځېدل او د ۱۴۳ منډو په جوړولو د ۱۶۷ په توپیر لوبه وبایلله.
د دې سیالیو د غوره لوبغاړي جایزه ریاض حسن ته ورکړل شوه.
دا سیالۍ د جنوري په ۲۲مه پیل شوې او د فبروري تر څلورمې به دوام وکړي.