د لاسرسۍ وړ لېنکونه

تازه خبر
چهارشنبه ۱۳ کب ۱۳۹۹ کابل ۰۳:۳۱

سعودي عربستان نږدې ۱۰۰ افغان زندانیان ازاد او افغانستان ته واستول 


د سعودي عربستان له لوري نږدې ۱۰۰ خوشې شوي زندانیان

د افغانستان د بهرنیو چارو وزارت وایي، د سعودي عربستان له زندانونو او توقیف‌خونو نږدې ۱۰۰ افغان زندانیان ازاد او هېواد ته ولېږدول شول.

بهرنیو چارو وزارت پرون (شنبه) په یوه خبرپاڼه کې وویل، دغه ۹۸ افغانان د اقامت د ویزې د نه‌درلودو له کبله د سعودي پولیسو نیولي وو.

خبرپاڼه کې نه‌دي راغلي چې دغو افغانانو په سعودي کې څومره وخت په بند کې تېر کړی دی.

وزارت ویلي، د روان لمریز کال د اسد له میاشتې تر اوسه د سعودي په جدې ښار کې د افغانستان جنرال قونسلګرۍ څه باندې دوه زره افغانانو ته چې هلته بندیان وو، د ازادېدو او افغانستان ته د ستنولو وړیا زمینه برابره کړې ده.

تېره اوونۍ په متحده عربي اماراتو کې د افغانستان جنرال قونسلګرۍ وویل چې دوبۍ کې یې هم ۲۱ بندي افغانان خلاص او کابل ته‌یې استولي دي.

XS
SM
MD
LG