د لاسرسۍ وړ لېنکونه

تازه خبر
سه شنبه ۷ سلواغه ۱۳۹۹ کابل ۰۳:۲۷

دوبۍ کې د فوټبال لوبډلې روزنیز کمپ پای ته ورسېد


ارشیف، عکس تئزیني بڼه لري

په دوبۍ کې د فوټبال افغان ملي لوبډلې روزنیز کمپ پای ته ورسېد.

د افغانستان د فوټبال فدراسیون ویاند فیروز مشعوف نن چهارشنبه (د مرغومي ۱۰مه) ازادي راډیو ته وویل چې دغه روزنیز کمپ د فوټبال ملي فدراسیون له خوا په دوبۍ کې د ملي لوبغاړو د روزنې لپاره چمتو شوی وو.

نوموړي وویل چې د روزنیز کمپ په پای ته رسېدو سره هغه لوبغاړي چې له بهره کمپ ته راغلي وو، بېرته خپلو کلبونو ته ستانه شول.

نوموړي وویل چې د فوټبال ملي لوبډله د درېیو ورځو لپاره د متحده اماراتو د فوټبال په فدراسیون کې تمرینات ترسره کړل.

په دغو تمریناتي سیالیو کې ٢٢ لوبغاړو ګډون کړی وو چې ١٢یې له بهره راغلي وو.

دغه سیالۍ د قطر ۲۰۲۲ نړیوالو لوبو کې د بنګله دیش پر وړاندې د لوبې لپاره د چمتووالي په موخه ترسره شوې.

XS
SM
MD
LG