د لاسرسۍ وړ لېنکونه

تازه خبر
دوشنبه ۱۰ لیندۍ ۱۳۹۹ کابل ۱۲:۵۶

کابل کې به د باولینګ ملي ټیم لوبې په راتلونکو څو ورځو کې پیل شي


آرشیف، عکس تئزیني بڼه لري

ټاکل شوې د افغانستان د باولینګ ملي ټیم لوبې په راتلونکو څو ورځو کې د کابل په کوربه توب پیل شي.

د افغانستان د باولینګ فدراسیون رئیس ادریس فاروقي نن د چهارشنبې (د لړم ۲۸مه) په ورځ ازادي راډیو ته وویل چې دغه سيالۍ به د هېواد د باولینګ د مرکزي، شمالي او لویدیځ زونونو د لوبډلو تر منځ ترسره شي.

د ښاغلي فاروقي په وینا، دا سیالۍ به د نارینه او ښځینه وو لپاره په دوو برخو کې ترسره شي.

فاروقي وايي، دا لومړی ځل دی چې د هېواد له درېیو زونونو څخه لوبغاړي سیالي کوي.

د یادونې وړ ده چې د دوو اونیو راهیسې د کابل، شمالي او لویدیځ غوره شوي ټیمونو په دې سیالۍ کې د برخې اخېستو لپاره خپل تمرینات پیل کړې.

XS
SM
MD
LG