د افغانستان په پلازمېنه کابل کې د کانفو سیالیو د دویمې درجې لوبڅارۍ ښوونیز سیمینار پای ته ورسېد.
د افغانستان د المپیک ملي کمېټه وايي، پهدې روزنیز سیمینار کې د هېواد ۳۲ لوبڅارانو ته د پنځو ورځو لپاره د کانفو سیالیو په برخه کې د لوبڅارنې د قوانینو په اړه روزنه ورکړل شوه.
دې کمېټې په خپله رسمي فسبوکپاڼه کې لیکلي، لوبڅارانو د دې سیمینار هرکلی کړی او دا یې د کانفو لوبې په برخه کې د قوانینو د لا ښه عملي کېدو لپاره مهم سمینار ګڼلی دی.