د لاسرسۍ وړ لېنکونه

تازه خبر
سه شنبه ۴ لیندۍ ۱۳۹۹ کابل ۰۴:۳۶

حبیب نورمحمدوف او جستین ګیجي نن شپه یو بل سره مخامخ کېږي


حبیب نورمحمدوف

د رزمي لوبو دوه پېژندل شوي لوبغاړي حبیب نورمحمدوف او جستین ګیجي نن شپه له یو بل سره مخامخ کېږي.

دوی د رزمي لوبو د معتبره سازمان (یو اېف سي) په ۲۵۴ دور سیالیو کې لوبیږي چې دا وار یې کوربه د متحده عربي اماراتو پلازمېنه ابوظبي ده.

حبیب نورمحمدوف وايي له خپلې اتلولۍ به دفاع وکړي، خو شرایط تر پخوا لږ څه متفاوته دي.

ښاغلی نورمحمدوف زیاتوي: "د ما لپاره دا یو خاص وخت دی چې دلته په ابوظبي کې لوبه کوم. د کرونا وبا له شرایطو سره او دا چې ننداره‌چیان به نه‌وي، مینه‌وال به نه‌وي. لږ څه ستونزمنه ده."

روسی لوبغاړی حبیب نورمحمدوف چې د افغانستان په شمول په ټوله نړۍ کې مینه‌وال لري د (یو اېف سي) د سپک وزن اتل دی او تر اوسه‌یې له ۲۸ لوبو هېڅ یوه نه‌ده بایللې.

امریکایی فایټر جستین ګیجي ۲۲ لوبې ګټلي او دوه‌یې بایللي، خو دی هم تر حبیب کم نه‌ګڼل کېږي او د دوی د اوسنۍ لوبې وړاندوینې هم تقریباً مساوي دي.

XS
SM
MD
LG