هغوی چې ډېری سروکار یې د امنیتي پېښو له قربانیانو سره و، وایي دا تېره یوه اوونۍ یې ارامه ساه اخیستې.
د وزیر محمد اکبر خان روغتون سړه خونه به په پېښو کې د وژل شویو له جسدونو ډکه وه.
د دې روغتون د مسؤلینو په وینا، په تېره یوه اوونۍ کې په کومه پېښه کې د وژل شوي کوم جسد دې روغتون ته نهدی وړل شوی.
د وزیر محمد اکبر خان روغتون د سړې خونې مسؤل ذبیحالله وایي چې له یوې اوونۍ را په دې خوا د دې سړې خونې یخچالونه تش دي.
ذبیحالله زیاته کړه، د اورکم اوونۍ له پيل څخه وړاندې هره ورځ لسګونه مړي دې سړې خونې ته راوړل کېدل.
دی وايي، تابوتونو او یخچالونو کې د وژل شویو له ځای په ځای کولو نور ستړی دی، خو تېره یوه اوونۍ یې ارامه ساه اخیستې ده.
د دغه راپور د غږیزې بڼې د اورېدو لپاره لاندې لېنک کېکاږئ: