د لاسرسۍ وړ لېنکونه

تازه خبر
دوشنبه ۷ سلواغه ۱۳۹۸ کابل ۰۹:۱۷

د زهرو کاروان

د بلخ ولایت پولیسو لسګونه کیلوګرامه نشه يي مواد نیولي دي

د بلخ د امنیه قومندانۍ ویاند عادل شاه عادل ازادۍ راډیو ته وویل، له نشه يي موادو سره د مبارزې پولیسو د دې ولایت په چمتال ولسوالۍ کې د استوګنې په یوه کور کې سل کیلوګرامه چرس ونیول.

د دې موادو د ساتنې په تور دوه کسان هم نیول شوي دي.

د ورځې تازه خبرونه دلته ولولئ

د بلخ او کابل هوايي ډګرونو کې شپږ قاچاق وړونکي نیول شوي

ارشیف

شپږ کسان هغه مهال ونیول شول چې د هوايي ډګرونو له لارې یې له افغانستان څخه دباندې نشه يي مواد قاچاق کول.

د کورنیو چارو وزارت له نشه يي موادو سره د مبارزې معینیت ویاند اسدالله یادګاري ازادۍ راډیو ته وویل، دې شپږو کسانو غوښتل چې د کابل او بلخ هوايي ډګرونو له لارې اووه کیلوګرامه نشه يي مواد هندوستان ته قاچاق کړي.

دې خلکو په خپلو سفري بکسونو او خېټو کې نشه يي مواد پټ کړي وو.

د خوست پولیسو څه د پاسه شل کیلو ګرامه چرس ونیول

د خوست امنیه قومندان سید احمد بابازي رسنیو ته ویلي چې ۳۳ کیلوګرامه چرس یې هغه مهال ونیول چې په یوه موټر کې پټ کړل شوي او په پام کې وه چې له دومنده ولسوالۍ څخه یې د دې ولایت مرکز ته قاچاق کړي.

د یادونې وړ ده چې په دې وروستیو کې په خوست ولایت کې د چرسو قاچاق ډېر شوی دی.

ننګرهار کې پولیسو څه د پاسه زر کیلو ګرامه نشه يي مواد ونیول

په ننګرهار ولایت کې څه د پاسه زر کیلو ګرامه نشه يي مواد ونیول شول.

د ننګرهار ولایت د امنیه قومندانۍ په خبرپاڼه کې راغلي چې په سرخ رود ولسوالۍ کې یو زر او څلوېښت کیلوګرامه بنګدانې هغه مهال ونیول شوې چې قاچاق کوونکو له خوګیاڼو ولسوالۍ څخه د غني خیلو ولسوالۍ ته قاچاق کولې.

په یوه بله پېښه کې د ننګرهار پولیسو د جلال اباد ښار په دوهمه ناحیه کې د نشه يي موادو يو خرڅووونکی او لږ نشه يي مواد هم نیولی دي.

په کابل ښار کې څلور کسان د نشه يي موادو د قاچاقو په تور ونیول شول

د کابل د امنیه قومندانۍ ویاند فرامرز فردوس ازادۍ راډیو ته وویل، دا څلور کسان په دسپیچري سیمه کې په داسې حال کې ونیول شول چې غوښتل یې ۱۷ کیلو ګرامه چرس په یوه موټر کې د هېواد له ختیځو سيمو څخه کابل ښار ته قاچاق کړي.

دا کسان تر نيول کېدو وروسته عدلي او قضايي مرکز ته معرفي شوي دي.

ننګرهار کې څه د پاسه ۲۰۰ کیلوګرامه بېلابېل نشه يي مواد نیول شوي

ارشیف

د ننګرهار ولایت پولیسو څه د پاسه دوه سوه کیلوګرامه بېلا بېل نشه يي مواد ونیول.

د کورنیو چارو وزارت له نشه يي موادو سره د مبارزې معینیت ویاند اسدالله یادګاري ازادۍ راډیو ته وویل، په لومړۍ پېښه کې پولیسو د جلال اباد ښار به اوومه ناحیه کې (۲۰۰) کیلو ګرامه چرس او (۱۵) لېټره کېمیاوي مواد ونیول چې په یوه موټر کې پټ کړای شوي و.

هغه زیاتوي، په دوهمه پېښه کې پولیسو د غني خیلو ولسوالۍ پر لاره په یوه موټر کې (۲۰) کیلوګرامه چرس، درې کیلوګرامه تاریاک او (۸۰) ګرامه د نشې ګولۍ ونیولې.

د دې موادو د قاچاقو په تور پنځه کسان هم نیول شوي دي.

نیمروز کې څه د پاسه سل کیلوګرامه نشه يي مواد نیول شوي

ارشیف

په نیمروز ولایت کې څه د پاسه سل کیلوګرامه نشه يي مواد ونیول شول.

د نیمروز ولایت امنیه قومندان الله داد فدايي ازادۍ راډیو ته وویل، د جدي د میاشتې په (۲۴) نېټه له نشه يي موادو سره د مبارزې پولیسو په کنګ ولسوالۍ کې (۹۲) کیلوګرامه تاریاک او (۴۶) کیلوګرامه ښیښه ونیوه.

د دې موادو د قاچاقو په تور یو تن هم نیول شوی، چې غوښتل یې دا مواد په یوه موټر کې د افغانستان سرحدي سیمې ته انتقال کړي.

خوست کې یو کس د ۴۰ کیلوګرامه نشه يي موادو د قاچاقو پر مهال نیول شوی

ارشیف

په خوست ولایت کې یو تن د څه د پاسه څلوېښت کیلوګرامه نشه يي موادو د قاچاقو پر مهال ونیول شو.

د خوست ولایت د امنیه قومندانۍ په خبرپاڼه کې راغلي چې، د جدي د میاشتې په (۲۵) نېټه پولیسو په ګربز ولسوالۍ کې (۴۴) کیلوګرامه چرس هغه مهال ونیول چې په یوه موټر کې پټ کړای شوي او په پام کې وه چې له یوه ګاونډي ولایت څخه یې خوست ته قاچاق کړي.

له نیول شوي موټر چلوونکی سره (۱۸) زره پاکستانۍ کلداري او (۱۹) زره افغانۍ هم نیول شوې دي.

بغلان ولایت کې نږدې اتیا کیلو ګرامه نشه يي مواد ونیول شول

د بغلان ولایت د امنیه قومندانۍ ویاند احمد جاوید بشارت ازادۍ راډیو ته وویل، پولیسو ۷۹ کیلوګرامه نشه يي مواد په داسې حال کې ونیول چې قاچاق کوونکو په یوه موټر کې د مرکزي بغلان له ولسوالۍ څخه کابل ته قاچاق کول.

د نشه يي موادو د قاچاقو په تور موټر چلوونکی او یو بل تن نیول شوي دي.

د ننګرهار ولایت پولیسو نږدې ۵۰۰ کیلوګرامه نشه يي مواد ونیول

د کورنیو چارو وزارت له نشه يي موادو سره د مبارزې معینیت ویاند اسدالله یادګاري ازادۍ راډیو ته وویل، د ننګرهار ولایت پولیسو په سپین غر ولسوالۍ کې ۴۸۰ کیلوګرامه د بنګو دانې او ۱۱ کیلوګرامه چرس نیولي چې د استوګنې په یوه کور کې پټ کړای شوي ول.

د دې موادو د ساتنې او تولید په تور د کور مالک هم نیول شوی دی.

بدخشان کې څه د پاسه زر کیلوګرامه نشه يي مواد وسوځول شول

د بدخشان ولایت امنیه قومندان اسدالله محمدي ازادۍ راډیو ته وویل: دولتي ځواکونو د ۱۳۹۸ شمسي کال له پیل څخه تر اوسه پورې څه د پاسه شپېته عملیات کړي چې په نتیجه کې یې څه د پاسه اته زره کیلوګرامه هیرویین، تاریاک، چرس او کیمیاوي مواد نیول شوي دي.

پولیسو له نیول شویو موادو څخه څه د پاسه زر کیلوګرامه نشه يي مواد سوځولي دي.

"په ۱۳۹۸ شمسي کال کې په مجموع کې ۶۴ عملیاتونه شوي چې په نتیجه کې یې اته زره او ۴۱۹ کیلوګرامه بېلا بېل نشه يي مواد نیول شوي، چې له دې موادو څخه یو زر ۳۱۳ کیلوګرامه یې پولیسو سوځولي او پاتې نورو سندونه هم د څېړنې په حال کې دي."

د یادونې وړ ده چې د دې موادو د قاچاقو په تور ۸۷ تورن کسان عدلي او قضايي ادارو ته معرفي شوي دي.

د نیمروز پولیسو ۵۰ کیلوګرامه تریاک او ښیښه ونیول

د نیمروز امنیه قومندان الله داد فدايي رسنیو ته وویل: له نشه يي موادو سره د مبارزې پولیسو د جدي د میاشتې په لسمه نېټه د زرنج ښار په څلورمه ناحیه کې ۱۶ کیلوګرامه ښیښه او ۳۴ کیلوګرامه تاریاک نیولي چې په یوه موټر کې دې ښار ته قاچاق کیدل.

موټر چلوونکي د پېښې له ځایه تښتېدلی دی.

ننګرهار کې دولتي ځواکونو ۲۰۰۰ ټنه چرس نیولي او سوځولي

په ننګرهار ولایت کې د افغانستان حکومتي ځواکونو په څو بېلا بېلو عملیاتو کې څه د پاسه دوه زره ټنه نشه يي مواد نیولي دي.

د کورنیو چارو وزارت په خبرپاڼه کې راغلي چې په لومړیو عملیاتو کې له نشه يي موادو سره د مبارزې ځانګړو پولیسو په خوګیاڼو ولسوالۍ کې ۲۰۰۰ ټنه چرس له نیولو وروسته سوځولي دي.

له نشه يي موادو سره د مبارزې پولیسو په دریو نورو عملیاتو کې په جلال اباد ښار او اچین او غني خیلو ولسواليو کې په مجموعي ډول یو زرو ۷۹۱ کیلوګرامه چرس نیولي دي.

سمنګان کې یو کس ۲۰۰ کیلوګرامه نشه يي موادو سره ونیول شو

په سمنګان ولایت کې یو تن له څه دپاسه دوه سوه کیلوګرامه نشه يي موادو سره نیول شوی دی.

د سمنګان د امنیه قومندانۍ په خبرپاڼه کې راغلي چې د دې ولایت پولیسو ۱۶۰ کیلو ګرامه تاریاک او ۱۱۵ کیلوګرامه چرس هغه مهال ونیول چې په یوه موټر کې پټ کړای شوي او په پام کې وه چې د ایبک ښار ته یې قاچاق کړي.

د دې موادو د قاچاقو په تور موټر چلوونکی هم نیول شوی دی.

هرات کې څه د پاسه شل کیلوګرامه نشه يي مواد ونیول شول

د هرات ولایت د امنیه قومندانۍ په خبرپاڼه کې راغلي چې د دې ولایت پولیسو په هرات ښار کې د عملیاتو په نتیجه کې ۲۱ کیلوګرامه نشه يي مواد نیولي چې له یوې ولسوالۍ څخه د هرات ښار ته یې قاچاق کول او پر پرچون خرڅوونکو باندې یې خرڅول.

د دې موادو د قاچاقو په تور دوه قاچاق کوونکی هم نیول شوي دي.

په یوه بله پېښه کې د هرات پولیسو د نشه يي موادو څلور پرچون خرڅوونکي نیولي چې نشه يي مواد یې پر معتادینو باندې خرڅول.

نور راوښيه

XS
SM
MD
LG