د لاسرسي لېنکونه

شنبه ۳۰ وږی ۱۳۹۸ کابل ۰۷:۳۶

ایران وايي، د دغه هېواد د تېلو بېړۍ خپل اصلي منزل ته رسېدلې


ایران وايي، د دغه هېواد د تېلو بېړۍ بالاخره خپل اصلي منزل ته رسېدلې ده.

د ادریان دریا په نوم یوه تېل وړونکې بېړۍ د جولای په میاشت کې بریتانیا په جبل الطارق کې توقیف کړه او له خوشې کېدو وروسته امریکا غوښتل چې مخه یې ونیسي.

د ایران دولتي خبري اژانس د خپل هېواد د بهرنیو چارو وزارت ویندوی عباس موسوي په قول پرون یکشنبه وویل، ادریان دریا تېل وړونکې بېړۍ د مدیترانې په ساحل کې لنګر اچولی او بار ورڅخه ښکته شوی دی.

په دې بېړۍ کې ۲ ميلیونه بېرله اومه تېل بار وو.

موسوي نه دي ویلي چې دا تېل یې چا ته وړي او پېرودونکی یې څوک و.

XS
SM
MD
LG