د لاسرسي لېنکونه

دوشنبه ۲۵ وږی ۱۳۹۸ کابل ۱۱:۳۵

په ننګرهار کې پولیسو پنځوس کیلو ګرامه نشه يي مواد ونیول


په ننګرهار ولایت کې پولیسو په دوو عملیاتو کې پنځوس کیلو ګرامه نشه يي مواد ونیول.

د ننګرهار ولایت د امنیې قوماندانۍ ویاند مبارز اتل ازادي راډیو ته وویل، لومړي عملیات چې د سنبلې د میاشتې په لسمه په جلال اباد ښار کې وشول، په نتیجه کې یې (۴۷) کیلو ګرامه هیروئین ونیول شول.

په دوهمو عملیاتو کې چې په سرخ رود ولسوالۍ کې وشول، په نتيجه کې يې پولیسو (۱۳) کیلو ګرامه چرس ونیول چې یوه ګاونډي ولایت ته قاچاق کېدل.

د دې موادو د قاچاقو او ساتنې په تور درې تنه هم نیول شوي دي.

XS
SM
MD
LG