د لاسرسي لېنکونه

جمعه ۱ وږی ۱۳۹۸ کابل ۱۰:۰۷

د نشه يي موادو قاچاق کوونکي هڅه کوي چې بامیان د لارې په توګه وکاروي


د بامیان یو انځور

د نشه يي موادو قاچاق کوونکي هڅه کوي چې بامیان ولایت د هېواد جنوب او شمال ته د نشه يي موادو د قاچاق د لارې په توګه وکاروي.

د بامیان د والي ویاند عبدالرحمن احمدي وايي، د نشه يي موادو قاچاق کوونکي کوښښ کوي چې نشه يي مواد د بامیان له لارې د هېواد له جنوب څخه شمال او له شمال څخه جنوب ته قاچاق کړي چې یو شمېر قاچاق کوونکي د افغان ځواکونو له خوا نیول شوي هم دي.

دی وایي: د نشه يي موادو قاچاق کوونکي هڅه کوي چې نشه يي مواد له بېلابېلو لارو څخه قاچاق کړي چې ښايي له دې لارو څخه یوه يې هم د بامیان ولایت وي، خو زموږ امنیتي ځواکونه ډېر فعال دي، برياوې هم لري او د نشه يي موادو د کښت، قاچاق او استعمال پر خلاف مبارزه کوي.

د دې ولایت پولیسو په شېبر ولسوالۍ کې (۱۶) کیلو ګرامه تاریاک نیولي چې په پام کې وه د افغانستان په شمال کې یوه ګاونډي ولایت ته قاچاق شي.

XS
SM
MD
LG