د کرکټ په يو ورځنيو نړيوالو مسابقو کې ايرلنډ پرون افغانستان ته په پنځو وېکټو ماتې ورکړه.
لوبه افغانستان پيل کړله چې په ٥٠ اورونو کې يې د ٦ لوبغاړو په سوځېدو سره مقابل ټيم ته د ٢١٧ منډو هدف وټاکه.
ايرلنډ وتوانېده دغه مسابقه په ٥ وېکټو وګټي.
افغانستان د ٥٠ اوره مسابقو د دې لړۍ لومړۍ ګټلې وه، دوهمه مسابقه د باران له کبله بېنتيجې پاتې شوه.
درېيمه مسابقه ايرلنډ، څلورمه افغانستان او پرونۍ مسابقه چې د دې لړۍ پنځمه وه، ايرلنډ وګټله.
دواړه ټيمونه به راروانه جمعه په خپلو کې ټېسټ لوبه وکړي.
د کرکټ دغه مسابقې د هندوستان په دهرادون کې روانې دي.