د لاسرسي لېنکونه

یکشنبه ۲۷ زمری ۱۳۹۸ کابل ۰۵:۰۶

پامپیو: امریکا لا هم د جمال خاشقجي د وژنې په اړه تحقیقات کوي


ارشیف، د سعودي عربستان خبریال جمال خاشقجي

د امریکا د بهرنیو چارو وزیر مایک پامپیو وایي، هېواد یې لا هم د سعودي عربستان د خبریال جمال خاشقجي د وژنې په اړه تحقیقات کوي.

نوموړي پرون هنګري ته د خپل سفر پر مهال وویل چې امریکا د دې قتل د شاته کولو په هڅه کې نه ده.

مایک پامپیو زیاته کړه چې هېواد یې د ټولو هغو کسانو چې د خاشقجي په قتل کې ښکیل دي، د ځواب ویلو لپاره لا ډېر اقدامات وکړي.

جمال خاشقجي د تېر کال په اکتوبر کې د ترکیې په استانبول ښار کې د سعودي عربستان په قونسلګرۍ کې په مرموز ډول ووژل شو.

د امریکا د کانګرس غړو د دې قتل د عاملانو د مجازاتو په برخه کې د امریکا د لا جدي اقداماتو غوښتنه کړې ده.

XS
SM
MD
LG