د لاسرسي لېنکونه

سه شنبه ۳ غویی ۱۳۹۸ کابل ۰۵:۰۰

په هلمند کې یو شمېر بڼوالو ته روزنیز پروګرام پیل شوی


د هلمند د کرنې او مالدارۍ ریاست له‌خوا د دغه ولایت د یو شمېر بڼوالو لپاره د انګورو د تاکونو د اصلاح په هدف روزنیز پروګرام پیل شوی دی.

د هلمند د کرنې رئیس زلمي الکو نن ازادي راډيو ته وویل چې په‌دغه روزنیز پروګرام کې بڼوالو ته د انګورو د تاکونو اصلاح او د اضافي ښاخونو پرېکول په عملي او نظري ډول ښودل کېږي چې په خبره یې کمي او کیفي لحاظ د انګورو د حاصلاتو په ډېرولو کې رغنده رول لري او ورسره د بڼوالو عوائید زیاتېږي.

ښاغلي الکو وویل، د هلمند د کرنې ریاست تل هڅه کړې چې په روزنیزو پروګرامونو سره د بڼوالو وړتیاوې لوړې او اقتصادي پرمختګ ته یې زمینه برابره کړي.

XS
SM
MD
LG