د امریکا د متحد ایالتونو له لوري د افغانستان د سولې ځانګړی استازی زلمی خلیلزاد وایي چې د سولې په خبرو کې پرمختګونه شوي دي، خو د افغانستان حکومت تر دې دمه له دې خبرو خوښ نه ښکارې او ولسمشر اشرف غني د چهارشنې په ورځ په کابل کې وویل چې د سولې کیلي په کابل کې ده او د جګړې کیلي په اسلام اباد کې.
طالبانو هم د چهارشنبې په ورځ وویل چې له نورو سره به واک شریک کړي او په امنیتي ځواکونو کې به تغییرات رامنځته کړي.
له نننه نېژدې ۲۷ کاله مخکې د ملګرو ملتونو د استازي بینن سیوان د سولې طرحه وروسته تر دې ناکامه شوه چې د وخت امنیتي ځواکونه منحل شول او له دې سره کورنۍ جګړې ته لار هواره شوه.
احمد شیبر دا اندیښنه د طالبانو د رژیم د وخت له یوه چارواکي عبدالحکیم مجاهد سره چې اوس د افغانستان د سولې د عالي شورا لومړی مرستیال دی، مطرح کړې ده، ښاغلي مجاهد د مرکې په پیل کې وویل:
