د لاسرسي لېنکونه

دوشنبه ۲۶ لیندۍ ۱۳۹۷ کابل ۰۵:۱۴

خوست کې ۳۰ کیلو ګرامه نشه‌يي مواد او الکولي مشروبات ونیول شول


په خوست ولایت کې څه د پاسه دېرش کیلو ګرامه نشه يي مواد او څو لېټره الکولي مشروبات ونیول شول.

د خوست ولایت له نشه يي موادو سره د مبارزې مدیر وحیدالله ټني رسنیو ته وویل: په لومړۍ پېښه کې ۷۲ بوتله الکولي مشروبات د ولایت په مرکز پورې اړوند متون سیمه کې له یوې ریکشې څخه تر لاسه شول.

او په دوهمه قضیه کې پولیسو د نادرشاه کوټ په سیمه کې ۳۴ کیلو ګرامه چرس ونیول چې په یوه سراچه موټر کې ځای پر ځای شوي وو.

د یادونې وړ ده چې د دې دوو قضیو په تړاو پنځه تورن کسان هم نیول شوي دي.

XS
SM
MD
LG