د لاسرسي لېنکونه

چهارشنبه ۲۸ لیندۍ ۱۳۹۷ کابل ۰۵:۳۹

د جورج بوش مړی به تکزاس ایالت کې خاورو ته وسپارل شي


د امریکا د پخواني ولسمشر مشرجورج بوش مړی به د تکزاس ایالت په هغې هدیرې کې خاورو ته وسپارل شي چې د ده مېرمن او یوه لور چې پنځوس کاله مخکې مړه شوې وه، ښخ شوي دي.

د واشنګټن« DC» په لویه کلیسا کې د جنازې له دولتي مراسمو وروسته د هغه تابوت چې د امریکا پر بېرغ پوښل شوی و، هاسټون ښار ته ولېږدول شو.

بوش اووه ورځې مخکې د نوومبر په دېرشمه په همدې ښار کې د ۹۴ کلنۍ په عمر مړ شو.

د بوش مړی به په تکزاس کې د هغه په جمهوري کتابتون کې د خپلې مېرمنې باربارا او د خپلې لور رابین ترڅنګ ښخ شي. باربارا د روان کال په لومړیو کې مړه شوې وه او رابین هم په۱۹۵۳ میلادي کال کې په ۳ کلنۍ مړه شوې وه.

په واشنګټن کې د هغه د جنازې په دولتي مراسمو کې اوسني ولسمشر ډونالډ ټرمپ او پخوانیو ټولو ژوندیو ولسمشرانو، بارک اوباما، جورج ډبلیو بوش، بېل کلېنټن او جیمي کارتر ګډون کړی و.

XS
SM
MD
LG