د لاسرسي لېنکونه

دوشنبه ۲۶ لیندۍ ۱۳۹۷ کابل ۰۴:۴۲

ناټو د افغان ځواکونو د مرګ ژوبلې پر زياتېدو اندېښنه وښوده


د ناټو لوى ملکي استازي کارنليوس زيمرمن

د ناټو يوه چارواکي د افغان امنيتي ځواکونو د مرګ ژوبلې پر زياتېدو اندېښنه وښوده.

د ناټو لوى ملکي استازي کارنليوس زيمرمن «Cornelius Zimmermann» په بروکسل کې د ازادي راډيو له خبريال سره په ځانګړې مرکه کې وويل:

"موږ ټول د مرګ ژوبلې د شمېر زياتېدو له کبله خواشيني او اندېښمن يو. د ناټو د قاطع ملاتړ د ماموريت پوځي مشر جنرال سکاټ مېلر هم دا موضوع مطرح کړې ده. موږ په پام کې لرو، خپل د روزنې او سلا مشورې همکاري نوره هم اغېزناکه کړو."

د افغانستان دفاع وزارت تېره مياشت د افغان ځواکونو د مرګ ژوبلې د مخنيوي لپاره د يوې ستراتيژۍ د جوړولو خبر ورکړ.

تردې مخکې ولسمشر محمد اشرف غني ويلي وو چې په تېرو څلورو کلونو کې ۲۸ زره پولیس او د ملي اردو سرتېري وژل شوي دي.

نیویارک ټایمز ورځپاڼې راپور ورکړى چې يوازې د نوومبر له نهمې تر پنځلسمې لږ تر لږه ۲۴۲ افغان پوځیان وژل شوي دي.

XS
SM
MD
LG