د افغانستان د سوېلي ولايت کندهار امنيه قوماندان تادين خان اڅکزی وايي چې هېڅ کس يا ډلې ته به اجازه ورنه کړي چې د ولس ژوند او امنيت له ګواښ سره مخ کړي.
نوموړي د نومبر پر ۲۴مه د ازادي راډيو د مشال څانګې له خبريال احمد شاه اعظمي سره د مرکې پر مهال وويل چې د خپل ورور او د دې ولايت د پخواني امنيه قوماندان جنرال عبدالرازق خان تر وژل کېدو وروسته يې د ولس او قومي مشرانو پر غوښتنه دې دندې ته غاړه کېښوده.
هغه زياته کړه چې له جنرال رازق سره يې د يو ملګري او مشاور په حېث په نظامي او ملکي چارو کې له نېږدې کار کړی او د هغه کارونه يې څارلي دي.
د دې مرکې د اورېدو لپاره لاندې لېنک کېکاږئ:
