د لاسرسۍ وړ لېنکونه

تازه خبر
چهارشنبه ۲۰ لیندۍ ۱۳۹۸ کابل ۰۲:۰۸

نیویارک ټایمز: ښاغلي غني د افغان پوځیانو د تلفاتو په اړه د حکومت چوپتیا ماته کړه


نیویارک ټایمز:

د افغان پوځیانو د تلفاتو مسئلې د نیویارک ټایمز ورځپاڼې پام ځان ته جلب کړی دی.

د ورځپاڼې په لیکنه، له ۲۰۱۵ کال راهیسې څه باندې ۲۸ زره پولیس او د پوځ سرتېري وژل شوي دي.

د نیویارک ټایمز ورځپاڼې په لیکنه، د افغانستان ولسمشر محمد اشرف غني روانه اوونۍ دا شمېرې په ډاګه کړې.

نیویارک ټایمز لیکي چې ښاغلي غني په دې کار سره د افغان پوځیانو د تلفاتو په اړه د خپل حکومت چوپتیا ماته کړه.

د ورځپاڼې په لیکنه، د نومبر له نهمې تر پنځلسمې لږ تر لږه ۲۴۲ افغان پوځیان وژل شوي دي.

نیویارک ټایمز لیکي، د ولسمشر غني له خوا د دغو اعلان شویو شمېرو له ورځې هره ورځ ۲۵ سرتېري، هره اوونۍ ۱۷۵ او هر کال څه باندې نهه زره افغان سرتېري وژل کېږي.

ارمي ټایمز:

ارمي ټایمز خپرونې د یوتا په وژل شوي ښاروال برنټ ټيلر باندې مقاله لیکلې ده.

د یوتا ښاروال د نومبر په درېيمه د امریکا د ملي ګارډ د پوځیانو په چوکاټ کې په افغانستان کې ووژل شو.

ارمي ټایمز د دغه امریکايي افسر د کورنۍ په حواله لیکلي دي چې ټیلر هڅه کوله، څو نورو ته ازادي وبښي.

د خپرونې په لیکنه، د ۳۹ کلن برنټ ټیلر جسد د چهارشنبې په ورځ له افغانستانه یوتا ایالت ته انتقال شو.

له برنټ ټیلر اووه بچیان پاتې دي.

د ارمي ټایمز په لیکنه، د لسګونه موټرسایکلو کاروان چې د امریکا بیرغونه یې درلودل، د ملي ګارډ په وره کې انتظار ایست، څو د برنټ ټیلر مړی راوړل شي او بیا ورسره یوځای ولاړ شي.

ټیلر چې د ښاروالۍ له دندې یو کال رخصت اخیستی و، د افغان کومانډو ځوکونو روزنه یې کوله.

هغه دا تمه نه درلوده چې د ده په لاس روزل شوی کومانډو سرتېری دې بېرته ده ته د ټوپک شپېلۍ ونیسي او وبه يې ولي.

XS
SM
MD
LG